Goa Rain: राज्यात सरी बरसणार! वादळी वाऱ्यासाह पाऊस लावणार हजेरी; तीन दिवसांसाठी यलो अलर्ट

: हवामान खात्याने दिलेल्या माहितीनुसार येत्या तीन दिवसांसाठी यलो अलर्ट जारी करण्यात आलाय
Yellow Alert in Goa
Yellow Alert in GoaDainik Gomantak
Published on
Updated on

पणजी: राज्यात यंदाच्या वर्षी पाऊस लवकरच धडक देण्याची शक्यता आहे. हवामान खात्याने दिलेल्या माहितीनुसार येत्या तीन दिवसांसाठी यलो अलर्ट जारी करण्यात आलाय. यापूर्वी देखील हवामान खात्याने गोव्यात पाऊस पडण्याची शक्यता वर्तवली होती. राज्यात सध्या ऊन-पावसाचा खेळ सुरू आहे.

गोवा हे किनारी राज्य असल्याने इथे नेहमीच पावसाचा तडाखा अधिक असतो. १३ मे ते १६ मे २०२५ पर्यंत गोव्यात काही ठिकाणी ३०-४० किमी प्रतितास वेगाने वाहणाऱ्या वाऱ्यांसह वादळ येण्याची शक्यता आहे आणि म्हणूनच हवामान खात्याकडून गोव्यासाठी यलो अलर्ट जारी करण्यात आला आहे.

मच्छीमारांनी समुद्रात न जाण्याची विनंती

उत्तर गोव्यातील पणजीत सोमवारी  कमाल ३५.५ अंश, तर किमान २७.६ अंश सेल्सिअस तापमानाची नोंद झाली होती, तर दुसऱ्या बाजूला मुरगावमधील कमाल तापमान ३५ अंश आणि किमान तापमान २६.८ अंश सेल्सिअस होते.

Yellow Alert in Goa
Goa Weather Update: गोवेकरांना मिळणार उकाड्यापासून दिलासा! अवकाळी पावसाचा 'यलो अलर्ट' जारी

गेल्या काही दिवसांपासून गोव्यात विविध ठिकाणी पाऊस सुरू झालाय आणि आता हा पाऊस आणखीन वाढण्याची शक्यता वर्तवली जातेय. राज्यात आत्तापर्यंत सरासरी १३.९ मिलिमीटर पावसाची नोंद झालीये. या दरम्यान वाऱ्याचा वेग देखील अधिक असण्याची शक्यता असल्याने मच्छीमारांनी समुद्रात न जाण्याची विनंती केली जातेय.

मान्सून गोव्यात येणार

यंदाच्या वर्षी 13 मे पर्यंत मान्सून अंदमान आणि निकोबर येथे धडक देईल अशी माहिती समोर आली होती. दक्षिण अरबी समुद्रासह अंदमानमध्ये यायला हवामान अनुकूल असल्याचं हवामान खात्याचं म्हणणं आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com