Dovorlim News: दवर्ली येथील मशिदीवरील भोंग्यांचा आवाज थांबवावा, या मागणीसाठी येथील दुर्गा माता मंदिर समिती आणि ग्रामस्थांनी आज, गुरूवारी दक्षिण गोवा जिल्हाधिकाऱ्यांची भेट घेतली.
दुर्गा माता मंदिर समितीचे अध्यक्ष रजनीकांत तेंडुलकर म्हणाले की, गेल्या 8 महिन्यांपासून सातत्याने जिल्हाधिकारी कार्यालयाकडे या प्रकरणाचा पाठपुरावा करत आहे. वारंवार मागणी करूनही यावर काहीही कारवाई करण्यात आलेली नाही.
सर्वोच्च न्यायालयाच्या आदेशानुसार ही कारवाई केली जावी, असे आमचे मत आहे. न्यायालयानेच याबाबत निर्देश दिले आहेत. त्या निर्देशांचे पालन करावे आणि ध्वनी प्रदुषणाच्या समस्यातून आमची सुटका करावी, अशी मागणीही त्यांनी केली.
या भेटीनंतर रजनीकांत तेंडुलकर म्हणाले की, आरतीवेळी त्यांचा भोंगा सुरू होतो. त्याचा आवाज कानठळ्या बसवणारा आहे. त्याचा त्रास परिसरात होतो. याबाबत आमदार उल्हास तुयेंकर यांचीही भेट घेतली होती. त्यांनी याबाबत पोलिस अधीक्षकांकडे पाठपुरावा केला होता.
ते म्हणाले की, जिल्हाधिकाऱ्यांनी आमच्या तक्रारी ऐकून घेतल्या आहेत. दोन्हीकडील बाजू ऐकून घेण्यासाठी बैठक घेण्याचे ठरले आहे. 6 नोव्हेंबर रोजी ही बैठक होणार आहे. त्यातून या समस्येवर काही तोडगा निघेल, अशी आशा त्यांनी व्यक्त केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.