Goa Dain Damage: हॉटेलचे छप्पर कोसळले, 3 घरांची मोडतोड; गोव्यात पावसामुळे नुकसानीचे सत्र सुरूच

Goa Monsoon: संततधार पावसामुळे तसेच वाऱ्यामुळे माड व अन्य झाडांची पडझड झाली. सुदैवाने जीवितहानी झाली नाही. एक माड वीजतारांवर लटकल्याने काही काळ वीजपुरवठा खंडित झाला होता.
Goa Rain Damage
Goa Rain DamageDainik Gomantak
Published on
Updated on

Goa Rain Damage: रस्त्याच्या बाजूला असलेल्या हॉटेलवजा क्लबला कसल्याच प्रकारची पार्किंग व्यवस्था नाही. त्यामुळे येथे वाहतुकीची कोंडी होत असते. या क्लबचे हंगामी स्वरूपाचे छप्पर कोसळल्यानंतर हॉटेलचे मालक व संबंधितांनी कसल्याच प्रकारची हालचाल केली नाही. शेवटी स्थानिक नागरिकांनी या घटनेची माहिती अग्निशमन दलाला दिल्यानंतर सायंकाळी घटनास्थळी अग्निशमन दलाचे जवान व वीज विभागाचे कर्मचारी यांनी धावपळ करून दोन तासांच्या नंतर वीजवाहिन्यांवर लोंबकळत असलेले छप्पर दूर केले.

हरमलात माड पडून वीजतारांचे नुकसान

खालचावाडा भागात संततधार पावसामुळे तसेच वाऱ्यामुळे माड व अन्य झाडांची पडझड झाली. सुदैवाने जीवितहानी झाली नाही. एक माड वीजतारांवर लटकल्याने काही काळ वीजपुरवठा खंडित झाला होता. वीज खात्याच्या कर्मचाऱ्यांनी तो माड हटविला. खालचावाडा येथील प्रकाश साटेलकर यांच्या घरानजीकचा माड रविवारी (ता.१५) सायंकाळी ७ वा.च्या सुमारास सोसाट्याच्या वाऱ्याने वीजतारांवर उन्मळून पडला.

सुदैवाने तो वीजतारांवर लटकल्याने दुकानावर तसेच घराच्या छपरावर पडला नाही आणि जीवितहानी टाळली. त्यावेळेस वाहतूक फार कमी होती. वीज कर्मचाऱ्यांनी लागलीच वीजपुरवठा खंडित करून अन्य भागात पुरवठा सुरळीत केला.

Goa Rain Damage
Goa Rain: पावसाचे थैमान! देवस्थानची कमान कारवर कोसळली, चिंचेचे झाड उन्मळले; जनजीवन विस्कळीत

बामणभाटी-भाटलेत वड पडून गेटचे नुकसान

बामणभाटी-भाटले रस्त्यावरील जीर्ण वडाचे झाड लोखंडी गेटवर कोसळून अंदाजे ६० हजारांचे नुकसान झाले. पेडणे अग्निशमन दलाच्या जवानांनी हा रस्ता मोकळा केला. रविवारी सकाळी ७ वा.च्या सुमारास माजी सरपंच प्रदीप नाईक यांच्या गेटबाहेर असलेले वडाचे झाड पूर्णतः गेटवर कोसळले तसेच दोन स्कूटर झाडाखाली अडकल्याने स्कूटरचे अंदाजे ४० हजारांचे नुकसान झाले.

या घटनेत वीजपुरवठा खंडित झाला व वीजवाहिन्यांचे नुकसान झाले. यावेळी अग्निशमन दलाचे अधिकारी जयराम शेटगावकर, जवान राजेश परब, मयूर नाईक, आशीर्वाद नाईक व रजत नाईक आदींनी परिश्रम घेतले. दरम्यान, वीज खात्याच्या कर्मचाऱ्यांनी सकाळपासून परिश्रम घेत त्या वाड्यावरील वीजपुरवठा सुरळीत केला. या भागात अनेक जीर्ण झाडे असून पावसाळ्यात तसेच वादळामुळे कोसळू शकतात, असे नागरिकांनी सांगितले.

Goa Rain Damage
Talpan River Flood: पाईप वाहून गेले, सुपाऱ्या - ऊसाचे नुकसान; तळपण नदीच्या पुरामुळे शेतकऱ्यांना मोठा फटका

डिचोलीत पावसामुळे तीन घरांची मोडतोड

गेल्या तीन-चार दिवसांपासून दमदारपणे सक्रिय झालेल्या पावसाने आज (सोमवारी) डिचोलीतील विविध भागांत तडाखा दिला. आज पहाटेपासून तीन घरांवर मिळून नऊ ठिकाणी झाडांची पडझड होऊन लाखो रुपयांचे नुकसान झाले. मात्र, अन्य कोणताच अनर्थ घडला नसल्याची माहिती मिळाली आहे.

शांतादुर्गानगर-बोर्डे येथे एका घरावर फणसाचे झाड कोसळून ६० हजार रुपयांची हानी झाली. तर शिरगाव येथे एका घरावर झाड कोसळून २० हजार रुपयांची हानी झाली. अन्य एका घटनेत खाजनवाडा-पाळी येथील एका घरावर झाड पडून घराची काही प्रमाणात मोडतोड झाली. याशिवाय शिवलकरवाडा-मुळगाव येथे झाड कोसळून एका घराच्या कुंपणाची मोडतोड झाली.

मडगाव परिसरात पडझडीच्या घटना

दवर्ली येथे मारुती मंदिरजवळ एका शेडवर भले मोठे झाड पडून ८० हजारांचे नुकसान झाले. दोन कारवरही हे झाड पडले. सुदैवाने यात कुणालाही इजा झाली नाही. मडगाव अग्निशामक दलाच्या जवानांनी घटनास्थळी जाऊन एक लाखाची मालमत्ता वाचवली. दरम्यान, मालभाट येथे घुमटीवर झाड पडले, तर माझीलवाडा-बाणावली येथे एका मंदिरावर झाड पडण्याची घटना घडली. तर आके येथे एका संरक्षक भिंतीवर फणसाचे झाड पडल्याची माहिती मडगाव अग्निशामक दलाच्या कार्यालयातून देण्यात आली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com