Goa Weather Update: गोव्यात मान्सूनची चाहूल! 17 मे पर्यंत 'यलो अलर्ट'; किनारपट्टी भागात सतर्कतेचा इशारा

Goa rain forecast IMD alert: गोवा आणि कोकण किनारपट्टी भागात १७ मे पर्यंत हलका ते मध्यम पाऊस आणि विजांच्या कडकडाटासह वादळी वारे वाहण्याची शक्यता आहे
Goa Monsoon Alert: Yellow Warning
Goa Monsoon Alert: Yellow Warning Dainik Gomantak
Published on
Updated on

पणजी: हवामान खात्याच्या अंदाजाप्रमाणे मान्सूनने बंगालच्या उपसागराचा दक्षिण भाग आणि अंदमान समुद्राच्या काही भागांमध्ये दाखल व्हायला सुरुवात केल्याने गोव्यात १७ मे पर्यंत 'यलो अलर्ट' जारी करण्यात आला आहे. भारतीय हवामान विभागाने वर्तवलेल्या अंदाजानुसार, गोवा आणि कोकण किनारपट्टी भागात १७ मे पर्यंत हलका ते मध्यम पाऊस आणि विजांच्या कडकडाटासह वादळी वारे वाहण्याची शक्यता आहे.

हवामान खात्याने जारी केलेल्या महितीनुसार मंगळवारी (दि.१३) बंगालच्या उपसागराचा काही दक्षिणेकडील भाग, दक्षिण अंदमान समुद्र, निकोबार बेटे आणि उत्तर अंदमान समुद्राच्या काही भागांमध्ये प्रवेश केला असल्याने गोव्यात मान्सून लवकरच दाखल होण्याची शक्यता आहे.

Goa Monsoon Alert: Yellow Warning
Goa Weather Update: गोवेकरांना मिळणार उकाड्यापासून दिलासा! अवकाळी पावसाचा 'यलो अलर्ट' जारी

१३ ते १७ मे दरम्यान कोकण आणि गोवा, मध्य महाराष्ट्र, मराठवाडा येथे विजांचा कडकडाट आणि ३०-५० किमी प्रतितास वेगाने जोरदार वाऱ्यासह हलका ते मध्यम पाऊस पडण्याची शक्यता आहे. गेल्या २४ तासांत गोव्याच्या अनेक भागांमध्ये मान्सूनपूर्व हलका ते मध्यम पाऊस आणि विजांचा कडकडाट अनुभवायला मिळाला, यामुळे वातावरणात काहीसा गारवा निर्माण झाला असला तरी, येत्या काही दिवसांत पावसाचा जोर वाढण्याची शक्यता आहे.

हवामान विभागाने नागरिकांना सतर्क राहण्याचे आवाहन केले आहे. वादळी वाऱ्यांच्या वेळी झाडांखाली किंवा असुरक्षित ठिकाणी आश्रय घेणे टाळावे, तसेच वीज चमकत असताना खुल्या मैदानात थांबू नये, असे आवाहन करण्यात आले आहे. मच्छीमारांना समुद्रात मासेमारीसाठी जाताना विशेष काळजी घेण्याचा सल्ला देण्यात आला आहे.

नागरिकांनी अधिक माहितीसाठी आणि मार्गदर्शनासाठी हवामान विभागाच्या सूचनांचे पालन करावे, असे आवाहन प्रशासनाकडून करण्यात आले आहे. १७ मे पर्यंत गोव्यात पावसाचे वातावरण कायम राहण्याची शक्यता असून, त्यानंतर मान्सून अधिक सक्रिय होण्याची शक्यता वर्तवण्यात आली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com