Goa Monsoon 2023: गोव्यात आत्तापर्यंत 2,780 मिलीमीटर पाऊस; दोनदा पर्जन्यविराम तरीही गाठली सरासरी

Goa Monsoon 2023: गोव्यात आत्तापर्यंत 2,768 मिलीमीटर पाऊस पडला. गुरूवारी झालेल्या अधिकच्या 4 टक्के पावसाने एकूण हंगामातील सरासरी 2,780 मिलीमीटरच्या जवळपास पाऊस राज्यात आत्तापर्यंत झाला. मान्सूनच्या स्थितीत दोन महत्त्वपूर्ण ब्रेक येऊनही पावसाने ही सरासरी गाठली आहे.

राज्यात 6 ते 17 ऑगस्टपर्यंत पावसाने दीर्घ विश्रांती घेतली होती. त्यानंतर, आताही पावसाने विश्रांती घेतली आहे. सध्याचा पर्जन्य विराम 26 ऑगस्टपासून सुरू झाला आणि आजपर्यंत कायम आहे. शिवाय सध्याच्या हवामान निरीक्षणानुसार आणखी काही दिवस पर्जन्य विराम असाच राहू शकेल.

खरे तर गोवा हे जास्त पावसाचे ठिकाण आहे. पण कोअर मान्सून झोननेच ऑगस्टमध्ये पावसाचा दुसरा ब्रेक अनुभवला आहे. जो संपूर्ण भारतीय उपखंडासाठी अत्यंत वाईट आहे, असे मत हवामानशास्त्रज्ञांनी व्यक्त केले आहे.

पूर्व विषुववृत्तीय पॅसिफिक महासागरात उद्भवणाऱ्या एल निनोच्या घटनेमुळे मॉन्सून कमकुवत झाल्याचे ते म्हणाले. गोवा आणि भारतीय उपखंडात पाऊस त्यामुळे पावसात खंड पडला आहे.