Goa-Oman Flight will take off on 29th October 2023: गोव्यताील मोपा येथे मनोहर आंतरराष्ट्रीय विमानतळ कार्यान्वित झाल्यापासून देशांतर्गत तसेच अनेक आंतरराष्ट्रीय विमानसेवांना प्रारंभ झाला आहे. त्यात आता आणखी एका देशाची भर पडली आहे.
आखाती देशातील काही देशांमध्ये याआधीपासूनच गोव्यातून विमानसेवा सुरू झाली आहे. आता, गोवा-ओमान विमानसेवा सुरू होणार आहे.
गोव्यातील पर्यटन हंगामाला 1 ऑक्टोबरपासून सुरूवात होत आहे. त्याच महिन्यात 29 ऑक्टोबर रोजी या गोवा-ओमान थेट विमानसेवेस प्रारंभ होत आहे. मनोहर आंतरराष्ट्रीय विमानतळाने ट्विटरवरून ही माहिती दिली आहे.
या ट्विटमध्ये म्हटले आहे की, ओमान एअरलाईन्ससोबतची आमची भागीदारी येत्या 29 ऑक्टोबरपासून सुरू होत आहे. हे कळवताना आम्हाला अत्यानंद होत आहे. मनोहर इंटरनॅशनल एअरपोर्ट आरामदायी प्रवासासाठी तत्पर आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
