Goa Sharadotsav: श्री सरस्वती सेवक मंडळाचा शारदोत्सव 5 ते 7 ऑक्टोबर या कालावधीत कोंब-मडगाव येथील श्री दामोदर विद्याभुवनात साजरा केला जाणार आहे. त्यानिमित्त विविध धार्मिक व करमणुकीच्या कार्यक्रमांचे आयोजन केले आहे.
बुधवारी सकाळी 7.30 वा. उदय घोडे यांच्या अंबाजी येथील निवासस्थानाहून श्रींची दामोदर विद्याभुवनपर्यंत बॅण्ड पथकासोबत मिरवणूक निघेल. नंतर पूजा-अर्चा व श्रींची स्थापना केली जाईल. संध्याकाळी 5.30 वा. श्री सत्यसाई सेवा समितीतर्फे भजनांचा कार्यक्रम होईल. रात्री 8 वा. आरती, तीर्थप्रसाद होईल.
गुरुवारी सकाळी 9 वाजल्यापासून धार्मिक विधी व आरती होईल. संध्याकाळी 6 वा. मुंबईस्थित गोमंतकीय गायक संजय कोरगावकर प्रस्तुत ‘सात रंग के सपने’ हा गाण्यांचा कार्यक्रम होईल. शुक्रवारी सकाळी 9 वाजल्यापासून धार्मिक विधी, आरती, संध्याकाऴी 5.15 वा. श्री दामोदर संगीत विद्यालयातर्फे गौरव व्यास व विद्यार्थी प्रस्तुत ‘आनंद नर्तना’ हा नृत्य कार्यक्रम, 6.45 वा.
महिला मंडळ प्रस्तुत ‘आश्‍विन संध्या’ हा कार्यक्रम सादर केला जाईल. नंतर आरती, तीर्थप्रसाद व पावणीने उत्सवाची सांगता होईल. शारदोत्सवातील कार्यक्रमांना उपस्थित राहण्याचे आवाहन शैलेश कारे, दामोदर नाईक, दलाल कुटुंबीय, माधव तालक कुटुंबीय, गुरुदास शेणवी कारे कुटुंबीय आणि रामचंद्र पै रायतूरकर कुटुंबीयांनी केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
