Girl Born झारखंडहून गोव्यात आलेल्या एका महिलेने गुरुवारी (ता.७) पहाटे मडगाव रेल्वे स्थानकाच्या प्रसाधनगृहातच एका बालिकेला जन्म देण्याची घटना घडली.
त्यानंतर ही महिला चक्कर येऊन खाली पडलेल्या अवस्थेत पोलिसांना दिसल्यावर त्यांनी त्या महिलेची चौकशी करत पूर्ण घटना जाणून घेतली. नंतर त्या महिलेला आणि तिच्या नवजात बालकाला दक्षिण गोवा जिल्हा इस्पितळात दाखल केले.
गुरुवारी पहाटे ३ वाजण्याच्या सुमारास ही घटना घडली. बुधवारी (ता.६) रात्री १२ वाजता ही महिला आपल्या चुलत भावाबरोबर मडगाव रेल्वे स्थानकावर उतरली होती. त्यांना डिचोली येथे जायचे होते.
मात्र, रात्री डिचोलीला जायला कुठलेच वाहन नसल्याने त्यांनी रेल्वे स्थानकावरच राहणे पसंत केले. पहाटेच्यावेळी त्या महिलेच्या पोटात कळा येऊ लागल्यानंतर तिला आपल्याला शौच होते असे वाटून ती प्रसाधनगृहात गेली.
मात्र, तिथेच तिची प्रसूती झाली. एवढ्यात पोलीस तिथे हजर झाले व त्यांनी त्या मायलेकीला इस्पितळात भरती केले. मडगाव वन स्टॉप केंद्राच्या प्रशासक आवदा व्हिएगस यांनी इस्पितळात जाऊन त्या महिलेची चौकशी केली.
घेरी येऊन पडली खाली
नवजात बालकाला प्रसाधनगृहातच ठेवून ती महिला बाहेर बॅगेत असलेले कपडे आणण्यासाठी गेली असता प्रसूतीवेळी येणाऱ्या थकव्यामुळे ती घेरी येऊन खाली पडली.
त्यावेळी तेथे पोलिसांनी येऊन तिची चौकशी केली असता, तिने घडलेली घटना पोलिसांना सांगितली, त्यानंतर त्या महिलेला आणि नवजात बालिकेला उपचारासाठी मडगाव इस्पितळात दाखल करण्यात आले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.