Goa: वेर्णा महालसा नारायणी देवस्थान (Mahalasa Narayani Temple) हे देशातील उत्कृष्ट दर्जाचे पर्यटन स्थळ होईल यात कसलीच शंका नाही. हिंदू म्हणा मुस्लिम, क्रिश्चन म्हणा, सरकार कसलाच भेदभाव न करता प्रत्येक धर्मियांना अशा धार्मिक स्थळांच्या ठिकाणी आर्थिक सहाय्य सरकारतर्फे केले जाते असे प्रतिपादन मुख्यमंत्री डॉ. प्रमोद सावंत (CM Dr Pramod Sawant) यांनी केले.
वेर्णा येथे श्री महालसा नारायणी देवस्थानच्या विकासाच्या दुसऱ्या टप्प्याच्या कामाचे उद्घाटन करताना मुख्यमंत्री बोलत होते. यावेळी त्यांच्या समवेत उपमुख्यमंत्री चंद्रकांत (बाबू) कवळेकर, सुलक्षणा सावंत, आमदार विल्फ्रेड डिसोझा, देवालयाचे अध्यक्ष कमलाक्ष नाईक, माजी आमदार दामोदर नाईक व इतर मान्यवर उपस्थित होते.
सुरुवातीला मुख्यमंत्री प्रमोद सावंत स्वपत्नीसमवेत होम-हवना द्वारे पूजा-अर्चा केली करून या कामाचा व तद्नंतर त्यांनी दुसऱ्या कामाचे नामफलकाचे अनावरण करून या कामाचे उद्घाटन केले. यावेळी त्यांनी भाविकांनी अशा देवस्थानच्या विकास कामांना सहकार्य करण्याचे आवाहन केले. पुरोहितांच्या मंत्रपुष्पांजलीत सदर धार्मिक विधी उद्घाटन सोहळा पार पडला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
