पणजी: अहमदाबादहून लंडनला जाणाऱ्या एअर इंडियाच्या विमानाचा गुरुवारी (12 जून) उड्डाणानंतर काही अंतरावर भीषण अपघात झाला. या अपघातात तब्बल 241 प्रवाशांना आपला जीव गमवावा लागला. यामध्ये गुजरातचे माजी मुख्यमंत्री विजय रुपाणी यांचाही मृत्यूही झाला. या दुर्घटनेवर संपूर्ण देशभरातून हळहळ व्यक्त केली जात आहे. याच पार्श्वभूमीवर मृतांच्या कुटुंबियांच्या दु:खात सहभागी होत गोवा सरकारने एक मोठा निर्णय घेतला.
दरम्यान, गोवा सरकारने 13 जून 2025 रोजी म्हणजेच उद्या (शुक्रवारी) राज्यभर एक दिवसाचा राजकीय दुखवटा जाहीर केला. सरकारकडून काढण्यात आलेल्या परिपत्रकानुसार, या दिवशी सर्व शासकीय कार्यक्रम, सार्वजनिक समारंभ तसेच अधिकृत स्वरुपातील सर्व मनोरंजनाच्या कार्यक्रमांना स्थगिती देण्यात आली आहे किंवा ते पुढे ढकलण्यात आले आहेत.
राज्य सरकारने सर्व नागरिकांना सहानुभूतीपूर्वक आणि संवेदनशीलतेने या दिवसाचे पालन करण्याचे आवाहन केले आहे. याशिवाय, मृतांच्या आत्म्याला शांती लाभावी यासाठी सामूहिक श्रद्धांजली आणि प्रार्थनांचे आयोजन करण्याचे आवाहन देखील करण्यात येणार आहे.
दुसरीकडे, या घटनेच्या पार्श्वभूमीवर पंतप्रधान नरेंद्र मोदी यांच्यासह राज्याचे मुख्यमंत्री डॉ. प्रमोद सावंत यांनी आपल्या संवेदना व्यक्त केल्या.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.