Goa Drug Case: रेल्वेतून गांजा तस्करी? अल्पवयीन मुलाकडून 8.18 किलोचा मुद्देमाल जप्त, कोकण रेल्वे पोलिसांची कारवाई

Konkan Railway Police: कोकण रेल्वे पोलिसांनी गुरूवारी (२० मार्च) मोठी कारवाई करत तब्बल ८.१८४ किलो गांजा जप्त केला आहे.
Goa Drug Case
Goa Drug CaseDainik Gomantak
Published on
Updated on

पणजी: कोकण रेल्वे पोलिसांनी गुरूवारी (२० मार्च) मोठी कारवाई करत तब्बल ८.१८४ किलो गांजा जप्त केला आहे. या प्रकरणी एका अल्पवयीन मुलाला ताब्यात घेण्यात आलं आहे. जप्त करण्यात आलेल्या गांजाची एकूण किंमत ८.१८ लाख रुपये असल्याचं पोलिसांनी सांगितलं आहे.

मडगावच्या कोकण रेल्वे स्थानकाच्या प्लॅटफॉर्म क्रमांक ६ वर ही कारवाई करण्यात आली. मुलगा या प्लॅटफॉर्मवर उभा होता. पोलिसांनी मुलाच्या संशयास्पद हालचालींवर लक्ष ठेवून चौकशी केली असता गांजा आढळून आला. त्वरित कारवाई करत पोलिसांनी संबंधित अल्पवयीन मुलाला ताब्यात घेतलं आहे.

चौकशीत मुलगा अल्पयवीन असल्याचं आढळून आल्यानं पोलिसांनी  त्याला अपना घरात पाठवलं आहे. कोकण रेल्वे पोलिस ठाण्याचे पोलीस निरीक्षक सुनिल गुडलर यांच्या मार्गदर्शनाखाली उपनिरीक्षक विप्लव वस्त या प्रकरणाचा अधिक तपास करत आहे. गांजा कुठून आणला तो कुठे नेला जाणार होता, याचाही शोध घेतला जात आहे.

Goa Drug Case
Goa Politics: कधी होणार गोवा मंत्रिमंडळाचा फेरबदल? CM सावंत आणि अमित शहांच्या बैठकीत नेमकं काय घडलं?

याआधी १५ मार्चला दक्षिण गोव्यातील मडगाव शहरात जुन्या रेल्वे स्टेशनजवळील परिसरात पोलिसांना गांजा पकडण्यात यश मिळालं होतं. गोवा पोलिसांनी केलेल्या या कारवाईत १ लाख ९ हजार रुपये किमतीचा १,०९० ग्रॅम गांजा जप्त करण्यात आलाय. तसेच आरोपीला पोलिसांनी ताब्यात घेतले आहे.

कोकण रेल्वे पोलिसांकडून अवैध धंद्यांविरोधात कठोर पावलं उचलली जात असून, रेल्वे मार्गांद्वारे नशा पदार्थांची वाहतूक रोखण्यासाठी तपासणी अधिक तीव्र करण्यात येत आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com