वास्को: गोवा प्रदेश युवा काँग्रेसतर्फे जागतिक पर्यावरणदिन अनोख्या पद्धतीने साजरा करण्यात आला. झुआरीनगरातील महामार्गावर पडलेल्या खड्यांमध्ये त्यांनी वृक्षारोपण केले आणि सरकारने या मार्गावरील वाहतुकीच्या धोक्याकडे लक्ष द्यावे, अशी मागणी केली.
प्रदेश युवा काँग्रेसचे अध्यक्ष महेश नडार, पीटर डिसोझा व इतर काँग्रेस कार्यकर्ते यावेळी उपस्थित होते. झुआरी ते उपासनगर पर्यंत उड्डाणपुलाचे काम जोरात सुरू आहे. या कामामुळे जुन्या रस्त्याची वाताहत झालेली असून तो रस्ता सुरळीत करण्याकडे कुणाचे लक्षच नाही.
त्यामुळे या रस्त्यावर वारंवार अपघात होतात व लोकांच्या जिवाला धोका निर्माण होतो. त्यामुळे सरकारचे लक्ष या रस्त्याच्या स्थितीकडे वेधण्यासाठी रस्त्यावरील खड्यात वृक्षारोपण करण्यात आल्याचे महेश नडार व कार्यकर्त्यांनी सांगितले.
यावेळी महेश नडार यांनी राज्य सरकार, आमदार, पंचायत, प्रशासन व उड्डाणपुलाचे काम करणाऱ्या एमव्हीआर कंपनीवर टीका केली. त्यांना लोकांच्या जीवाचे पडून गेलेले नसल्याचा आरोप त्यांनी केला व रस्ता सुरक्षित करण्याची मागणी केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
