CM Pramod Sawant कौशल्य विकास आणि उद्योजकता विभागाच्या वतीने 82 सरकारी आस्थापने आणि 400 हून अधिक खासगी कंपन्यांद्वारे 10 हजार शिकाऊ उमेदवारांना कौशल्य प्रशिक्षण दिले जाणार आहे. या प्रशिक्षणार्थींशी शनिवारी मुख्यमंत्री डॉ. प्रमोद सावंत हे संवाद साधणार आहेत.
खात्याने दिलेल्या माहितीनुसार, राज्यातील बेरोजगार तरुणांमध्ये रोजगार क्षमता वाढवण्यासाठी या प्रशिक्षणाचे आयोजन केले असून 15 जुलै या जागतिक युवा कौशल्य दिनानिमित्त राज्यातील 10 हजार तरुणांना कौशल्य प्रशिक्षण दिले जाणार आहे.
या प्रशिक्षणाव्यतिरिक्त प्रशिक्षणार्थींना आठ ते 13 हजारांपर्यंतचा स्टायपेंड दरमहा दिला जाणार आहे.
या प्रशिक्षणार्थींशी शनिवारी मुख्यमंत्री व्हर्चुअल पद्धतीने संवाद साधणार आहेत. यासाठी पंचायत व पालिका क्षेत्रातील स्वयंपूर्ण मित्रांशी संपर्क करण्याचे आवाहन केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
