CM Pramod Sawant on New Parliment: देशाच्या संसदेच्या नवीन इमारतीच्या उद्घाटन कार्यक्रमावर बहिष्कार टाकण्याऐवजी या कार्यक्रमाला उपस्थित राहावे, असे आवाहन गोव्याचे मुख्यमंत्री प्रमोद सावंत यांनी गुरुवारी विरोधी पक्षांना केले.
मुख्यमंत्री सावंत यांनी म्हटले आहे की, हा एक चांगला कार्यक्रम आहे. पण काहीही कारण देऊन या कार्यक्रमावर बहिष्कार टाकण्याचे काही विरोधी पक्षांनी ठरवले आहे. यापुर्वी पंतप्रधान इंदिरा गांधी, राजीव गांधींनी अशा प्रकारचे उद्घाटन केले आहे.
काँग्रेसला ते चालते मग आता का विरोध करत आहेत. लोकांना विनाकारण भडकावले जात आहे. विरोधाला विरोध म्हणून या ऐतिहासिक सोहळ्याला विरोध केला जात आहे.
या कार्यक्रमाला उपस्थित राहण्याचे सौभाग्य मला मिळतेय, ही माझ्यासह गोवेकरांसाठी सौभाग्याची बाब आहे.
यापूर्वी पंतप्रधानांना विविध संसदीय इमारतींचे उद्घाटन करताना आपण पाहिले आहे. संसदेत लोकांचे प्रतिनिधित्व करणाऱ्या सर्व राजकीय पक्षांसाठी हा अभिमानाचा क्षण असणार आहे. त्यामुळे काय कार्यक्रमात सहभागी व्हावे.
दरम्यान, देशाची राजधानी दिल्ली मध्ये संसदेच्या नवीन इमारतीचे बांधकाम पूर्ण झाले आहे. या इमारतीचे उद्घाटन 28 मे रोजी पंतप्रधान नरेंद्र मोदी यांच्या हस्ते होणार आहे.
तथापि, या इमारतीचे उद्घाटन पंतप्रधानांच्या हस्ते करण्याऐवजी राष्ट्रपतींच्या हस्ते करा, अशी मागणी करत 19 विरोधी पक्षांनी या उद्घाटन कार्यक्रमावर बहिष्कार टाकण्याची घोषणा केली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.