पणजी: जे अध्यादेश काढले आहेत, अशी १३ विधेयके विधानसभा अधिवेशनात सरकारतर्फे मांडण्यावर मंत्रिमंडळाच्या बैठकीत निर्णय झाल्याची माहिती मुख्यमंत्री डॉ. प्रमोद सावंत यांनी दिली.
मंत्रिमंडळाच्या बैठकीनंतर मुख्यमंत्री सावंत यांनी पत्रकारांना सांगितले, की १३ विधेयकांचे अध्यादेश काढले आहेत, त्यावर बैठकीत अल्पशी चर्चा झाली.
ही विधेयके अधिवेशनाच्या पहिल्या दिवशी मांडली जातील आणि चर्चेनंतर तिसऱ्या दिवशी मंजूर केली जातील. या सत्रासाठी ८८३ प्रश्न (१६३ तारांकित आणि ७२० अतारांकित) आमदारांकडून आले आहेत.
सरकारसाठी अधिवेशन औपचारिकता : युरी
तीन दिवसांच्या अधिवेशनावर विरोधी पक्षनेते युरी आलेमाव यांनी टीका केली असून, सरकार सभागृहाच्या कामकाजाकडे केवळ ‘औपचारिकता’ म्हणून पाहत असल्याचा आरोप केला.
निवडणुकांपूर्वीचे हे शेवटचे अधिवेशन असू शकते, असे नमूद करत अधिवेशनाचा कालावधी वाढविण्याची विनंती करणारे पत्र विधानसभा अध्यक्षांना लिहिणार असल्याचे युरी यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
