डिचोली: एकाबाजूने तुटवड्यामुळे मासळी महाग झाली असतानाच आता ब्रॉयलर चिकनही महाग झाले आहे. त्यामुळे खवय्यांच्या खिशाला कात्री बसत असून जिभेवरही लगाम घालावा लागत आहे. मात्र चिकन महाग झाले असले तरी हॉटेल व रेस्टॉरंटमधून मागणी कायम असल्याने डिचोलीतील चिकन विक्रीवर मोठा परिणाम झालेला नाही. चिकन विक्रेत्यांकडूनही तसे संकेत मिळाले आहेत.
ख्रिसमस आणि नववर्षानिमित्त ब्रॉयलर चिकन महाग झाल्यानंतर त्याचे दर पूर्वपदावर आले होते. मात्र आता ब्रॉयलर चिकन पुन्हा महाग झाले आहे. महाराष्ट्र आणि कर्नाटक राज्यांतून डिचोलीत ब्रॉयलर कोंबड्यांची आवक होत असते.
दर २०० रुपयांवर
महिनाभरापूर्वी ब्रॉयलर कोंबडीचे दर १६० ते १७० रुपये प्रतिकिलो होते. मात्र आता हाच दर २०० रुपयांवर पोहोचला आहे. नॅट (सुटे) ब्रॉयलर चिकनचे दर तर ३०० ते ३२० रुपयांपर्यंत गेले आहेत.
सामान्य खवय्यांसाठी हे चिकन परवडेनासे झाले आहे. डिचोली शहरातील विविध चिकन सेंटरमधून दररोज सुमारे दोन हजार किलो ब्रॉयलर चिकनची विक्री होत आहे. बुधवारी व रविवारी मात्र त्यात वाढ होत असते, अशी माहिती विक्रेत्यांकडून मिळाली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
