दवर्ली पंचायत क्षेत्रात बांधलेल्या 165 बेकायदेशीर घरांना पंचायतीने घर नंबर द्यावेत यासाठी माजी आमदार बाबू आजगावकर सरपंच हर्क्यूलान नियासो यांच्यावर दबाव आणत असून त्यांना ते धमकी देत असल्याचा आरोप भाजप पक्षातीलच एसटी नेते अँथनी बार्बोजा यांनी केला असून आजगावकर यांची ही दादागिरी खपवून घेतली जाणार नाही असा इशारा त्यांनी दिला आहे.
दवर्ली पंचायत क्षेत्रात बांधलेली ही घरे पूर्णतः बेकायदेशीर आहेत. त्यांच्याकडे घराच्या मालकीची कुठलीही कागदपत्रे नाहीत. अशा घरांना कायदेशीर करावे अशी मागणी आजगावकर कसे करू शकतात असा प्रश्र्न बार्बोजा यांनी केला. ही बेकायदेशीररित्या बांधलेली घरे बिगर गोमंतकीयांची असून त्यांच्यासाठी आजगावकर मूळ गावकर असलेल्या सरपंचावर दबाव का आणतात असा सवाल त्यांनी केला आहे.
दवर्ली येथील एका वाड्यावर ही घरे असून दुसऱ्यांच्या जमिनीवर अतिक्रमण करून ती बांधली गेली आहेत. या घरांना पंचायतीने घर क्रमांक द्यावेत असे आर्ज १६५ जणांनी केले होते. मात्र त्यांच्याकडे घर मालकी सिद्ध करणारी कोणतीही कागदपत्रे नसल्याने हे अर्ज फेटाळून लावले होते. त्यानंतर आजगावकर यांनी सरपंच नियासो यांच्यावर या घरांना क्रमांक देण्यासाठी दबाव आणला होता. त्यामूळे काल मोठा गोंधळ झाला होता. दरम्यान ही घरे पाडून टाकण्यासाठी नगर नियोजन खात्याने आदेश दिला असून त्या घर मालकांच्या विरोधात नोटीस जारी करण्याचे आदेश दिले आहेत. नियासो हे एसटी समाजाचे असून त्यांच्यावर कुणी दबाव आणल्यास अन्य एसटी बांधव गप्प राहणार नाहीत असा इशारा बार्बोजा यांनी दिला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
