Bicholim Mine: बेकायदेशीर गौण खनिज उत्खनन प्रकरणी डिचोली पोलीसांची कारवाई, 4 संशयित ताब्यात

Bicholim Mine: बेकायदेशीर गौण खनिज उत्खनन प्रकरणी 4 व्यक्तींना अटक केल्याची घटना आज 31ऑगस्ट रोजी घडली. सदरची कारवाई डिचोली पोलीस स्टेशन मार्फत करण्यात आली असून मये येथे खदानीच्या खड्ड्यांतून बेकायदेशीरपणे लॅटराईट दगड काढताना आणि ते लोड करताना रंगेहात पकडण्यात आले.

या संबंधी सविस्तर वृत्त असे की, डिचोली मये तलावाजवळ संदीप जोवारी लकारा, महाबीर राम, लालदेव राम, अमर तुयेकर आणि ट्रक चालक मुकुंद केरकर हे खदानीच्या खड्ड्यांतून लॅटराईट दगड काढताना आणि ते लोड करताना आढळून आले.

त्यावेळी संबंधितांकडे चौकशी केली असता ते काम संबंधित प्राधिकरणांची कोणतीही परवानगी न घेता सुरु असल्याचे समोर आले.

त्यामुळे सदर व्यक्तींवर डिचोली पोलिसांनी कारवाई करत खोदाई करण्यासाठी वापरण्यात आलेले इलेक्ट्रिक कटिंग मशीन, मशीन ब्लेड, दोन जनरेटर, एक विद्युत मोटर असलेला पॉवर टिलर आदी साहित्य ताब्यात घेतले आहे.