अन्याय फक्त हिंदूंवरच केला जातो: बजरंग दल

Goa: पश्चिम बंगाल‌ (W Bengal) येथे दुर्गापुजा (Durga-pooja) मंडपावर हल्ले करून‌ देशभर दहशत माजविण्याच्या कृतीचा निषेध असून हल्लेखोरांवर कडक कारवाई करण्यात यावी, अशी मागणी राष्ट्रीय बजरंग दल (National Bajarang Dal, Goa) गोवाचे अध्यक्ष नितीन फळदेसाई यांनी केली (President Nitin Fal-Dessai).

बंगालात रोहींग्ये (Rohingya) आणि अन्य धर्मांध मंडळी आता डोईजड होत आहेत. बंगलादेशात (Bangladesh) सुद्धा दुर्गापूजा मंडळांवर हल्ला करताना काल एका इस्कॉन सदस्याचीही हत्या करण्यात आली. हा अन्याय फक्त हिंदूंवरच केला जात आहे. आपल्या देशातील सहीष्णूवादी आता बोलणार नाहीत. आता त्यांची तोंडे का बंद आहेत, असा सवाल नितीन फळदेसाई यांनी केला आहे.

गोव्यात निवडणूक तोंडावर आली आहे. तृणमूल कॉंग्रेस या बंगाली पक्षानेही यावेळी निवडणुकीत आपली कंबर कसली आहे. प्रचारासाठी पश्चिम बंगाल‌ येथून म्हणे दहा हजार लोक गोव्यात येणार आहेत. या दहा हजारात कोण असतील याची कल्पना मंत्री माविन गुदिनो यानी परवा घर घर चलो अभियानात मुरगांव येथे दिली आहे. रोहींग्या बांगलादेशी यांना गोव्यात थारा देता कामा नये, या क्षणाला 80,000 रोहींग्या लोक गोव्यात आहे, हे लोक एकदा गोव्यात घुसले तर जाण्याचे नाव घेणार नाहीत. गोवा सरकारने याची दखल घ्यायलाच हवी. अन्यथा ते गोमंतकीय जनतेला जड जाईल.

निवडणुकीच्या निमित्ताने गोव्यात दाखल होणाऱ्या सर्व परप्रांतीय लोकांवर आधीच कडक नजर ठेवली गेली पाहीजे, त्यांची ओळखपत्रांची खात्री पटली तर त्यांना फक्त पंधरा दिवसच गोव्यात वास्तव्य करण्याची परवानगी देण्यात यावी. त्यांची वेळ संपली की सगळे गोव्यातून बाहेर पडतील, यांची खात्रीही सरकारने घ्यायला हवी, असे नितीन फळदेसाई म्हणाले.

गोमंतकीय जनतेने याकडे बारकाईने लक्ष ठेवणे गरजेचे आहे, आपल्या आजूबाजूला कोणी अनोळखी व्यक्ती दिसत असल्यास किंवा काही संशयास्पद आढळल्यास सतर्क होउन जवळच्या पोलिस स्थानकात संपर्क साधण्याचे आवाहन नितीन फळदेसाई यांनी केले आहे.