Rajendra Arlekar: 'उद्दिष्ट ठेवून प्रयत्न केल्यास यश नक्की'; आझादी का अमृत महोत्सवमध्ये आर्लेकरांनी केले मार्गदर्शन

Rajendra Arlekar उद्दिष्ट ठेऊन प्रयत्न करा यश नक्की येईल, असे उद्‍गार बिहारचे राज्‍यपाल राजेंद्र आर्लेकर यांनी काढले. चैतन्य सेवा संघटनेतर्फे आयोजित आझादी का अमृत महोत्सवाच्या समारोप कार्यक्रमात आर्लेकर बोलत होते.

मडगाव येथील रवींद्र भवनच्या कृष्ण धवल सभागृहात झालेल्या या कार्यक्रमास माजी उपमुख्यमंत्री चंद्रकांत ऊर्फ बाबू कवळेकर, माजी आमदार दामोदर नाईक, किसन फडते, अविनाश शिरोडकर, आदिती रेडकर, भारती होडावडकर, उत्तम रेडकर आदी मान्यवर उपस्थित होते.

या कार्यक्रमात डॉ. शिवानंद बांदेकर (डीन जी.एम.सी.), डॉ. सुधीर शेट (नावेली), आदेश कारवारकर (मडगाव), विशांत जा. गांवकर (काणकोण), राजेंद्र नाईक (कोल्हापूर) व मोहन नाईक (फातोर्डा) यांचा आर्लेकर यांच्या हस्ते सत्कार करण्यात आला.

तसेच चित्रकला स्पर्धेतील विजेते लहान गट प्रथम रोख रक्कम १५०० दीपनविता सामंत (सरकारी मल्टीपर्पज हायस्कूल, बोर्डा), दुसरे रोख रक्कम १००० श्रेया सोनार (पॉपुलर हायस्कूल, मडगाव), तिसरे रोख रक्कम ७०० अर्नव नाईक (रवींद्र केळेकर ज्ञान मंदिर, आके) व दहाजणांना उत्तेजनार्थ बक्षिसे देण्यात आली.

मोठा गट - प्रथम रोख रक्कम २००० तनिष्क खांडेपारकर (पॉपुलर हायस्कूल, मडगाव), दुसरे रोख रक्कम १५०० सुचिता कुल्लु (होली स्पिरीट हायस्कूल, मडगाव), तिसरे रोख रक्कम १००० धन्‍वी शानभोगी (पॉपुलर हायस्कूल, मडगाव) व दहाजणांना उत्तेजनार्थ बक्षिसे देण्‍यात आली.

तसेच यावेळी ८० टक्क्यांपेक्षा जास्त गुण मिळालेल्या होली स्पिरीट हायस्कूलचे १०, यलोसिस हायस्कूल, बाणावलीचे ८, पॉपुलर हायस्कूलचे १०, पेरपेच्युल हायस्कूलचे २० , महिला आणि नूतन मडगावचे २०, प्रेझेन्टेशन कॉन्‍व्‍हेंट अंबाजीचे १५, फातिमा कॉन्‍व्‍हेंट मडगांवचे १०, रवींद्र केळेकर ज्ञान मंदिराचे १३ व पाँष हायस्कूल १० अशा एकूण १३० विद्यार्थ्यांचा यावेळी गौरव करण्यात आला.

बाबू कवळेकर, दामोदर नाईक, डॉ. शिवानंद बांदेकर, आदेश कारवारकर, किसन फडते व अविनाश शिरोडकर यांनी यावेळी आपले विचार मांडले. अध्यक्षा आदिती रेडकर यांनी स्वागत केले. खजिनदार उत्तम रेडकर यांनी आभार मानले.