Speaker Ramesh Tawadkar: काँग्रेसमधून फुटून भाजपमध्ये गेलेल्या 8 आमदारांविरुद्धच्या अपात्रता याचिकांवर पहिली सुनावणी येत्या 15 ते 20 दिवसांत घेऊ अशी माहिती, सभापती रमेश तवडकर यांनी दिली.
तवडकर म्हणाले की, या आमदारांच्या अपात्रतेबाबत तीन याचिका आल्या आहेत. त्यातील मुद्यांवर अभ्यास करून सुनावणीची तारीख ठरवली जाईल. तिन्ही याचिकांवर एकत्रित सुनावणी घ्यायची की वेगवेगळी याबाबतही निर्णय घेतला जाईल. याचिकाकर्ते तसेच प्रतिवाद्यांना नोटीस बजावून पहिली सुनावणी येत्या 15 ते 20 दिवसांत घेतली जाईल.
ही सुनावणी लवकर न घेण्यासाठी माझ्यावर कोणाचाही दबाव नाही, आणि मी दबावाखाली काम करत नाही. घटनेमध्ये जे काही त्याच्या आधारावरच निर्णय देणार आहे. याचिका निकालात काढण्याबाबत सभापतींना वेळेचे बंधन नाही तरी शक्य तेवढ्या लवकर सुनावणी घेण्याचा प्रयत्न केला जाईल, आमदार अपात्रता याचिकेतील हा विषय काहीसा किचकट आहे त्यामुळे तो समजून घेण्यास काही वेळ लागेल, असे सभापती तवडकर म्हणाले.
काँग्रेसचे माजी विरोधी पक्षनेते दिगंबर कामत व विधीमंडळ नेते मायकल लोबो यांनी भाजपमध्ये प्रवेश केल्यावर काँग्रेस प्रदेशाध्यक्ष अमित पाटकर यांनी आमदार अपात्रता याचिका सादर केली होती. त्यानंतर आता माजी काँग्रेस प्रदेशाध्यक्ष गिरीश चोडणकर व डॉमनिक नोरोन्हा या दोघांनी भाजपमध्ये प्रवेश केलेल्या 8 आमदारांविरुद्ध वेगवेगळ्या याचिका सादर केल्या आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.