Goa News: धारगळ ग्रामसभेत आमदार अनुपस्थित

Goa News: दोन खांब धारगळ येथील महामार्ग 17 हा जीवितास धोकादायक झाला असल्याने आणि या मार्गांवर उड्डाणंपुल बांधण्याचे प्रोव्हिजन केलेले असतानाही तो बांधला नसल्याने गेल्या महिन्यात आमदार प्रवीण आर्लेकर यांच्या उपस्थित ग्रामसभा घेण्यात आली.

रविवारच्या ग्रामसभेत विषयावर चर्चा होणार होती, पण आमदारच आले नाही, त्यामुळे ग्रामस्थांत नाराजी व्यक्त करण्यात आली. अपघात प्रवण क्षेत्राबाबत प्रश्‍न कायम राहिला. पंधरा दिवसात पेडणे व मांद्रेचे आमदार आणि संबंधित खात्याचे अधिकारी यांच्या समक्ष पुन्हा ग्रामसभा घेण्यात यावी, अशी ग्रामस्थांनी मागणी होती.

पण दोन्ही आमदार व एक साहाय्यक अधिकारी कमलाकांत कारापूरकर व आमदार जीत आरोलकर यांच्या प्रतिनिधीशिवाय कोणीही 13 रोजीच्या ग्रामसभेला आले नाहीत, त्यामुळे ग्रामस्थांनी संताप व्यक्त केला. गेल्या पंधरा दिवसापूर्वी धारगळ ग्रामपंचायतीची ग्रामसभा सुमारे दोनशे ग्रामस्थांच्या उपस्थित झाली.

त्यावेळी आमदार प्रवीण आर्लेकर उपस्थित होते. यावेळी ग्रामस्थांनी या दोनखांब धारगळ येथे अपघात क्षेत्र निर्माण झालेले असतानाही आणि या ठिकाणी उड्डाणपूल बांधण्याचे प्रोव्हिजन केले होते. परंतु सरकारने याकडे दुर्लक्ष केले. त्यामुळे या मार्गांवर अपघात वाढत चाललेले आहेत.

रस्ता कामांच्या पाहणीसाठी समिती

रस्ता कामाच्या पाहणीसंदर्भात सरपंच अनिकेत साळगावकर यांच्या अध्यक्षतेखाली समिती काढण्यात आली. सर्वेश करापूरकर, सम्राट सोयरोजी, भारत बागकर, महेश देसाई, मधुरा गाडगीळ, पुंडलिक धारगळकर, सुरेश कारापुरकर, रुपेश कुब्रलकर, संदेश राऊळ, शुभांगी कौठणकर, नारायण साळगावकर, दुर्गाप्रसाद, सिद्देश धारगळकर, आश्वेक नाईक, सदानंद पार्सेकर, सिद्धेश नारोजी, अशोक आरोंदेकर, नवसो मयेकर, गिरीष कामत, साईशा, आवेलीन रॉड्रिगीस यांचा समावेश आहे.