Goa Accident: पणजी-फोंडा मार्गावरील मंगेशी येथे बुधवारी मध्यरात्री टेंपो व दुचाकीचा भीषण अपघात झाला. यात मंगेशीतील दुचाकीस्वार विराज विद्याधर दाभोळकर (वय ३२) याचा मृत्यू झाला आहे. तो वेलिंग - म्हार्दोळ येथे राहत होता.
फोंड्याहून पणजीच्या दिशेने जाणाऱ्या भरधाव जीए 05 टी 3421 या क्रमांकाचा दूधवाहू टेंपो जात होता. तर पणजीहून आपल्या घरी वेलिंगला परतणाऱ्या विराज दाभोळकर याच्या जीए 05 व्ही 6016 या क्रमांकाच्या दुचाकीत समोरासमोर टक्कर झाली.
या अपघातात विराज गंभीर जखमी झाला. त्याच्या डोक्याला जबर दुखापत झाली. त्यातच त्याचा मृत्यू झाला. विराजचे हल्लीच लग्न झाले होते. तो बोटवर कामाला होता. सुटीवर घरी आलेला विराज येत्या 28 तारखेला कामावर रुजू होण्यासाठी बोटवर जाणार होता.
त्याला एक विवाहित भाऊ आहे. मनमिळाऊ स्वभावाचा विराज सर्वांच्या परिचयाचा होता. त्याच्या मृत्यूनंतर परिसरात हळहळ व्यक्त होत होती. म्हार्दोळ पोलिसांनी अपघाताचा पंचनामा केला.
टेम्पोची धडक एवढी जोरात होती की रस्त्याच्या कडेचा विजेचा खांबही मोडून पडला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.