आगामी लोकसभा निवडणुकीबाबत युती करण्याबाबत आम आदमी पक्षाने (आप) कोणत्याही पक्षाशी चर्चा वा संवाद साधलेला नाही. त्यामुळे तूर्त तरी देशात व गोव्यातही स्वबळावरच ही निवडणूक लढविली जाणार आहे. इतर राज्यात जनतेला प्रामाणिक असलेला एकमेव ‘आप’ पक्ष दिसतो. त्यांच्यामुळे या पक्षाचा विस्तार सध्या वाढत आहे.
भाजपने सत्तेवर आल्यापासून विध्वंसक राजकारण केले आहे, तर आपने सकारात्मक राजकारण दिल्याने सामान्य माणसांचा या पक्षावरील विश्‍वास वाढतो, असे मत आपचे सरचिटणीस (संघटन) व पंजाबचे राज्यसभा खासदार डॉ. संदीप पाठक यांनी व्यक्त केले.
पक्षनेत्यांच्या तसेच स्वयंसेवकांच्या बैठकीसाठी खासदार डॉ. संदीप पाठक हे गोव्यात आले आहेत. ‘आप’ अधिक मजबूत करण्यासाठी राज्यातील तळागाळातील लोकांपर्यंत जाण्याचा आराखडा या बैठकीत तयार करण्यात येत असून त्यांचे मार्गदर्शन घेण्यात आले.
या बैठकीनंतर त्यांनी घेतलेल्या पत्रकार परिषदेला गोव्यातील आपचे आमदार कॅप्टन वेन्झी व्हिएगश व आमदार क्रुझ सिल्वा तसेच गोव्यातील आपचे प्रमुख ॲड. अमित पालेकर व इतर नेते उपस्थित होते.
चौकशीला केजरीवाल येणार!
मुख्यमंत्री अरविंद केजरीवाल, ॲड. अमित पालेकर यांना पोलिसांनी समन्स बजावले असले तरी भाजप सरकारकडून खोटे आरोप करून सतावणूक करण्याची ही पद्धत देशभर सुरू आहे.
‘आप’ हा कोणालाही न घाबरणारा पक्ष आहे, असे प्रकार करून ते इतर पक्षामध्ये घबराट निर्माण करण्याचा प्रयत्न करत आहे. जर केजरीवाल यांना समन्स पाठवले असेल तर ते नक्कीच त्याला प्रतिसाद देतील व गरज भासल्यास ते चौकशीलाही उपस्थित राहतील., असे डॉ. पाठक यांनी स्पष्ट केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
