Fr. Mousinho de Ataide: अखिल भारतीय कोकणी परिषदेच्या अध्यक्षपदी मोवझिन आताईद यांची वर्णी!

All India Konkani Parishad

अखिल भारतीय कोकणी परिषदेचे अध्यक्ष म्हणून आता सुप्रसिद्ध कोकणी लेखक आणि कार्यकर्ते फादर मोवझिन आताईद यांची निवड करण्यात आली आहे. गेल्या दोन वर्षांपासून कुमठा कर्नाटक येथील अरुण उभयकर या पदावर कार्यरत होते आणि यांच्याकडून फादर मौसिन्हो हा पदभार स्वीकारतील.

फादर मोवझिन आताईद कोण आहेत?

1950 मध्ये साल्वादोर येथे जन्मलेल्या फादर मोवझिन आताईद यांची 1975 मध्ये फादर म्हणून नियुक्ती करण्यात आली होती. सध्या ते साळगावच्या सेमिनरीमध्ये लॅटिनचे प्राध्यापक आहेत. फादर मौसिन्हो यांनी रॅचोल सेमिनरीवर लेखन केले असून कोकणी भाषेसाठी त्यांचे महत्वपूर्ण योगदान आहे व कोकणी भाषिकांमध्ये आदर प्राप्त आहे.

यापूर्वी फादर मोवझिन आताईद यांनी रोममधील अर्बनियन युनिव्हर्सिटीमधून कॅनन लॉचा परवाना मिळवला होता आणि पुढील 15 वर्ष ते रॅचोल सेमिनरीमध्ये कॅनन लॉ शिकवत होते. तसेच त्यांनी 1990 ते 2019 पर्यंत डायोसेसन न्यायाधीश म्हणूनही काम केले आहे.