वनमंत्री विश्वजीत राणे यांच्या हस्ते खोतीगाव अभयारण्याच्या हत्तीपावल येथील निसर्ग केंद्रातील विविध उपक्रमांचे उद्घाटन करण्यात आले. यावेळी सभापती रमेश तवडकर, वनविकास महामंडळाच्या अध्यक्ष डॉ. दिव्या राणे, मुख्य सचिव डॉ. पुनीत गोयल,
प्रधान वनसंरक्षक राजीव कुमार, वन खात्याच्या वन्यप्राणी विभागाचे प्रमुख वार्डन उमाकांत ए., खोतीगाव अभयारण्याचे प्रमुख क्षेत्रीय वनाधिकारी अनंत वेळीप, पैंगीणच्या सरपंच सविता तवडकर, खोतीगावचे सरपंच आनंदु वेळीप व अन्य वनाधिकारी उपस्थित होते.
यावेळी वनमंत्री व सभापती रमेश तवडकर यांच्या हस्ते हत्तीपावल येथील निसर्ग अभ्यास केंद्राच्या प्रवेशद्वार, ॲक्वेरियम, देवमासा सांगाडा प्रकल्पांचेही उद्घाटन करण्यात आले. यापूर्वी वनमंत्र्यांनी नेत्रावळी अभयारण्यातील काही उपक्रमांचे उद्घाटनही केले. यावेळी समाजकल्याणमंत्री सुभाष फळदेसाई उपस्थित होते.
शेतकऱ्यांना साहित्याचे वितरण
यावेळी मंत्र्यांच्या हस्ते पिकाच्या संरक्षणासाठी पाच शेतकऱ्यांना प्रातिनिधिक स्वरूपात कार्बाईड गनचे वितरण करण्यात आले. त्याशिवाय वनक्षेत्राला लागलेली आग विझविण्यासाठी विशेष प्रयत्न केलेल्या अग्निशमन केंद्राच्या कर्मचाऱ्यांचा वनमंत्र्यांच्या हस्ते विशेष सन्मान करण्यात आला. काही शेतकऱ्यांना मधमाशी पालन पेट्या व मधमाशी पालन साहित्य देण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.