Goa Parking Issue : वाळपईत अखेर ‘नो पार्किंग’ फलक !

तरीही ऐन चतुर्थीत कोंडीची भीती : वाढती वाहनांची संख्या बनतेय डोकेदुखी
Goa Parking
Goa ParkingDainik Gomantak

Goa Parking Issue: वाळपई मुख्य बाजारपेठेत दिवसेंदिवस वाढत चाललेली वाहतूक कोंडीची समस्या अधिकच सतावत आहे. यावर तोडग्यासाठी वाळपई पालिकेने याआधी अनेकदा वाहतूक आराखडा तयार केला होता. त्यानुसार आता कार्यवाही हाती घेत वाळपई पोलीस स्थानक क्षेत्र ते पणजी मार्गावरील प्रथम दंडाधिकारी न्यायालयापर्यंत एक कि.मी. पर्यंत मुख्य रस्त्याच्या दुतर्फा ‘नो पार्किंग झोन’ असे सूचित करणारे फलक उभारले आहेत.

Goa Parking
DGP Jaspal Singh: स्थानिकांविना ड्रग्ज व्यापार अशक्य!

परंतु वाढती वाहनांची संख्या व शहरातील कमी जागा यामुळे ऐन चतुर्थीवेळी या निर्देशांचे पालन चालकांकडून होईल का, अशी विचारणा होत आहे.

कारण अरूंद जागेतून वाहने जात असतानाच त्यातच वाहन पार्किंग करणे, हे प्रकार वाढले तर सणावेळी वाहतूक कोंडीची भीती वाढली आहे. आजच्या घडीला प्रत्येक घरात लहान, मोठे असे किमान दोन तीन गाड्या असतात.

बेशिस्तपणावर ‘पे पार्किंग’चा उतारा

अवरलेडी, फातिमा कोन्वेंट, नेशनल हायस्कूल, युनिटी हायस्कूल या ठिकाणी रस्त्यालगत वाहने ठेवली जातात. त्यामुळे समस्या उद्‍भवते. यावर ‘पे पार्किंग’ हा चांगला उपाय ठरणार आहे, असे सुतोवाचही अनेकदा पालिका बैठकीत करण्यात आले होते. ‘पे पार्किंग’ केल्यास बेशिस्त पार्किंगला बराच आळा बसणार आहे. तसेच शाळेचे मुले शाळेत दुचाकी घेऊन येतात. त्यावेळी भरधाव वेगाने वाहन चालविले जाते.

Goa Parking
Minister Subhash Phaldesai: मंत्री सुभाष फळदेसाई यांच्या हस्ते कारगिलवीरांच्या सेवेचा सन्मान

यांना पालकांनी पुढाकार घेऊन मुलांना वाहने विनापरवाना चालविण्यास प्रतिबंध केला पाहिजे. शाळे जवळील रस्त्यावर गाड्या ठेवल्या जातात. त्यावर आळा घातला पाहिजे. प्रवासी गाड्या मुख्यरस्त्यालगत दोन्ही बाजूंनी ठेवल्या जातात.हेही थांबणे गरजेचे आहे.

कोंडीला कारण : प्रत्येकजण बाजारहाटसाठी वाहन घेऊन वाळपईत येतो. परिणामी वाहनांची वर्दळ प्रचंड वाढलेली आहे. वाळपईत होणाऱ्या वाहतूक कोंडीवर उपाय म्हणून वाहतूक आराखडा तयार केला होता. लोक नोकरीसाठी जाताना वाळपईत रस्त्यालगत दुचाकी ठेवून सकाळी जातात. ते रात्री उशिरापर्यंत दुचाकी तिथेच ठेवतात. त्यामुळे इतरांना रस्त्यामधून वाहने नेताना वाहतूक कोंडी जाणवते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com