Sanjivani Sugar Factory Protest: मागील काही दिवसांपासून सुरू असलेले संजीवनी साखर कारखान्याच्या ऊस उत्पादकांचे आंदोलन आज शमले. काल (8 जानेवारी) आक्रमक शेतकऱ्यांनी मुख्यमंत्र्यांच्या निवासस्थानी आपला मोर्चा वळवला होता.
शेवटी मुख्यमंत्र्यांनी पुढच्या वर्षी संजीवनी साखर कारखाना सुरू करण्याचे आश्वासन दिले. यानंतर शेतकऱ्यांनी आपले आंदोलन मागे घेतल्याचे जाहीर केले आहे. काल संध्‍याकाळी मोर्चा अडविल्‍यानंतर मिळालेल्‍या आश्‍‍वासनाप्रमाणे सरकारच्‍या वतीने कुणीही भेट देण्‍यास न आल्‍याने आंदोलकांनी रात्री आझाद मैदानावरच राहणे पसंद केले. चार गाड्या भरून दाखल झालेल्‍या आंदोलकांइतकेच पोलिसही आझाद मैदान परिसरात तैनात हाते.
तत्‍पूर्वी सायंकाळी आपल्‍या मागण्‍या घेऊन मुख्यमंत्र्यांच्या बंगल्‍याकडे जाण्‍याच्‍या पवित्र्यात असलेल्‍या शेतकऱ्यांचा मोर्चा पोलिसांनी वाटेत अडवला व काही जणांना ताब्‍यात घेतले. शेवटी मुख्यमंत्र्यांनी कारखाना पुढील वर्षी सुरू करण्याचे आश्वासन दिले. त्यानंतर आज शेतकऱ्यांनी आपले आंदोलन मागे घेतले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.