पणजी: काँग्रेस (Congress) व मगो (MGP) पक्षातून भाजपमध्ये (BJP) प्रवेश केलेल्या 12 आमदारांविरुद्धच्या अपात्रता याचिकेवर आज 10 डिसेंबरला मुंबई उच्च न्यायालयाच्या गोवा खंडपीठासमोर (Goa court) अंतिम सुनावणीला सुरुवात होणार आहे. या प्रकरणात गोवा फॉरवर्डनेही (Goa Forward) याचिका सादर करून मुख्य याचिकादारांना पाठिंबा दिला आहे. ऐन निवडणुकीच्या (Goa Election)तोंडावर ही सुनावणी होत असल्याने समस्त गोमंतकीयांचे याकडे लक्ष लागून राहिले आहे.
काँग्रेसमधून फुटून भाजपमध्ये गेलेल्या 10 व मगोच्या 2 आमदारांविरुद्धच्या अपात्रता याचिकेवर निवाडा देताना त्या सभापतींनी फेटाळल्याने त्या निवाड्याला उच्च न्यायालयात आव्हान देण्यात आले आहे. घटनेच्या परिशिष्ट 10 नुसार एखाद्या पक्षातील समितीच्या तसेच विधिमंडळातील दोन तृतियांश आमदारांनी दुसऱ्या पक्षात प्रवेश करणे सक्तीचे आहे. मात्र, असे काँग्रेसबाबत घडलेले नाही. दोन तृतियांश आमदार फुटून गेले असले, तरी काँग्रेस पक्ष अजूनही विलीन झालेला नाही. त्यामुळे सभापतींनी दिलेला निवाडा अवैध व बेकायदेशीर असल्याचा युक्तिवाद काँग्रेसचे ज्येष्ठ वकील विवेक तांका यांनी मागील सुनावणीवेळी केला होता.
टांगती तलवार
काँग्रेस पक्षाच्या याचिकेत उपमुख्यमंत्री बाबू कवळेकर, मंत्री फिलिप नेरी रॉड्रिग्स, मंत्री जेनिफर मोन्सेरात, आमदार बाबूश मोन्सेरात, आमदार क्लाफासिओ डायस, आमदार विल्फ्रेड डिसा, आमदार टोनी फर्नांडिस, आमदार फ्रान्सिस सिल्वेरा, आमदार नीळकंठ हळर्णकर, उपसभापती इजिदोर फर्नांडिस, तर मगोतर्फे दाखल केलेल्या याचिकेत मंत्री दीपक पाऊस्कर, उपमुख्यमंत्री बाबू आजगावकर यांचा समावेश आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
