Goa Widow Pension: विधवा महिलांना दिलासा, सरकारकडून मिळणाऱ्या अर्थसहाय्यात 'एवढी' वाढ

Goa Widow Pension Scheme:

पणजी: गोवा मुक्ती दिवसाच्या वेळीच सरकारकडून एक मोठी घोषणा करण्यात आली असून आता दयानंद सामाजिक सुरक्षा योजनेअंतर्गत मोठे मूल २१ वर्षांखाली असलेल्या विधवा महिलांना मिळणाऱ्या अर्थसहाय्यत वाढ करण्यात आली आहे. सरकारकडून मिळणाऱ्या या आर्थिक मदतीमध्ये १५०० रुपयांची वाढ करण्यात आली असल्याने आता या महिलांना दर महिन्याला २५००च्या ऐवजी ४००० हजार रुपये मिळणार आहेत.

दयानंद सामाजिक सुरक्षा योजना म्हणजेच डीएसएसवायच्या अंतर्गत पूर्वी २५०० रुपयांचे साहाय्य केले जायचे पण आता यात मोठा बदल करण्यात आला असून २१ वर्षांखालील अपत्य असलेल्या विधवा महिलांना ४००० रुपये दिले जातील.

मात्र लक्षात घ्या या महिलांना गृहआधार योजनेचा लाभ घेता येणार नाही तसेच मोठे मूल २१ वर्षांच्या वर असल्यास त्यांना नवीन किंमत दिली जाणार नाही. सध्या गोव्यातील लाखो महिला या योजनेचा लाभ घेतायत.