Dr. V Candavelou: गोव्याच्या मुख्य सचिव पदावर आयएएस अधिकारी डॉ. व्ही. कँडवेलू यांची नियुक्ती

Goa Chief Secretary Dr. V Candavelou

गोवा: गृहमंत्रालयाच्या आदेशानुसार 1997 बॅचचे आयएएस अधिकारी डॉ. व्ही. कँडवेलू यांची गोव्याचे नवीन मुख्य सचिव म्हणून नियुक्ती करण्यात आली आहे. कँडवेलू यांनी 1991च्या बॅचचे AGMUT कॅडर आयएएस पुनीत कुमार गोयल यांच्याकडून गोव्याच्या मुख्य सचिव पदाचा पदभार स्वीकारला आहे तर आता पुनीत कुमार गोयल यांची राष्ट्रीय अनुसूचित जमाती आयोगात बदली झाली आहे.

याव्यतिरिक्त 1995 बॅचचे AGMUT कॅडर आयएएस अधिकारी आणि अंदमानचे माजी मुख्य सचिव केशव चंद्र यांची नवी दिल्ली नगर परिषद (NDMC) चे नवीन अध्यक्ष म्हणून नियुक्ती करण्यात आली आहे. ऑगस्टमध्ये नरेश कुमार यांचा कार्यकाळ संपला होता आणि त्यानंतर आता यांच्या जागी चंद्रा यांची नियुक्ती झाली आहे.

या दोन मोठ्या सरकारी नियुक्त्यांनंतर लवकरच केंद्रात किंवा दिल्ली सरकारसोबत कार्यरत असलेल्या अधिकाऱ्यांची काही विशेष पदांवर नियुक्ती केली जाणार आहे, यामध्ये मिझोराम आणि अंदमानच्या मुख्य सचिव पदांसह इतर महत्त्वपूर्ण पोस्टिंग लवकरच केले जाण्याची शक्यता आहे.

केंद्रातून विविध सरकारी विभागांमध्ये 29 सहसचिवांची नियुक्ती करण्यात आलीये, ज्यामध्ये प्रामुख्याने भारतीय संरक्षण लेखा सेवा, इलेक्ट्रिकल अभियंत्यांची भारतीय रेल्वे सेवा आणि भारतीय महसूल सेवा यांचा समावेश होतो.