Punit Kumar Transfer: गोव्याचे मुख्य सचिव पुनितकुमार गोयल यांची दिल्लीत बदली

राज्यात मागील काही दिवसांपासून हळदोणे येथील रुपांतरित केलेली जमीन बंगल्यासह विकत घेण्याचे प्रकरण गाजत आहे. याच पाश्वभूमीवर आता राज्याचे मुख्य सचिव डॉ. पुनीतकुमार गोयल यांची दिल्ली येथे राष्ट्रीय आदिवासी आयोगाच्या सदस्यपदी बदली झाली आहे. तीन दिवसांपूर्वी आलेला हा बदलीचा आदेश प्रसारमाध्यमांपर्यंत पोहोचणार नाबी याची पुरेशी खबरदारी घेतली गेली.

मिळालेल्या माहितीनुसार, त्यांच्या जागी आता कोणाची वर्णी लागणार, याचा निर्णय अद्याप केंद्रीय गृहमंत्रालयाने घेतलेला नाही. मुख्यमंत्री डॉ. प्रमोद सावंत यांच्याशी सल्लामसलत करुन केंद्रीय प्रशासनातील सचिवपदावरील अधिकारी या पदावर नियुक्त केला जाणार आहे. मुख्यमंत्र्यांनी शिफारस केली तर सध्या असलेल्या भारतीय प्रशासकीय अधिकाऱ्यांमधूनही मुख्य सचिवाची निवड केली जाऊ शकते.