गोव्याचे मुख्यमंत्री डॉ. प्रमोद सावंत यांच्या नावे नवा रेकॉर्ड नोंद झाला आहे. सावंत यांनी मुख्यमंत्री पदाची पाच वर्षे यशस्वीपणे पूर्ण केली असून, गोव्याला घटक राज्याचा दर्जा मिळाल्यानंतर सलग पाच वर्षे पूर्ण करणारे सावंत पहिलेच मुख्यमंत्री ठरले आहेत.
स्वर्गीय मनोहर पर्रीकर यांच्या निधनानंतर सावंत यांनी मुख्यमंत्री पदाची जबाबदारी संभाळली.
मनोहर पर्रीकर यांचे 17 मार्च 2019 रोजी निधन झाले, त्यानंतर दोन दिवसांनी म्हणजेच 19 मार्च 2019 डॉ. प्रमोद सावंत यांच्याकडे मुख्यमंत्रीपदाची सुत्रे सोपविण्यात आली. त्यानंतर फेब्रुवारी 2022 मध्ये झालेल्या विधानसभा निवडणुकीत भाजपने 20 जागा जिंकल्या.
28 मार्च 2022 रोजी प्रमोद सावंत यांनी दुसऱ्यांदा राज्याचे मुख्यमंत्री म्हणून शपथ घेतली. सावंत यांनी सलग पाच वर्षे राज्याचे मुख्यमंत्री म्हणून कार्यकाळ पूर्ण केला आहे. गोव्याला घटक राज्याचा दर्जा मिळाल्यानंतर असा रेकॉर्ड करणारे सावंत पहिलेच मुख्यमंत्री ठरले आहेत.
सावंत मुख्यमंत्री पदाची सलग पाच वर्षे पूर्ण करणारे भाजपचे पहिले मुख्यमंत्री ठरले आहेत.
1) दयानंद बांदोडकर
दोनवेळा मुख्यमंत्री एकूण नऊ वर्षांचा कार्यकाळ
2) शशिकला काकोडकर
दोनवेळा मुख्यमंत्री एकूण पाच वर्ष कार्यकाळ
3) प्रतापसिंह राणे
सातवेळा मुख्यमंत्री पदाची जबाबदारी, एकूण 15 वर्ष
4) मनोहर पर्रीकर
चारवेळा मुख्यमंत्री एकूण आठ वर्ष कार्यकाळ
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.