Mapusa Police News: हळदोणातील एकाला त्याच्या कुटूंबासमवेत जीवे मारण्याची धमकी दिल्याप्रकरणी म्हापसा पोलिसांनी तिघांना अटक केली आहे. या प्रकरणातील आणखी एक संशयित आणि हळदोणा पंचायत सदस्य फरार झाल्याची माहिती आहे. म्हापसाचे एसडीपीओ जिवबा दळवी यांनी याबाबत माहिती दिली.
हळदोणा, बार्देश येथील रहिवाशी स्वप्नील पेडणेकर (वय 23 वर्ष) यांनी याबाबत तक्रार दाखल केली होती. तक्रारीत म्हटले होते की, पेडणेकर यांना पूर्ववैमनस्यातून या तिघांनी कारमधून अज्ञात स्थळी नेले. त्यानंतर त्यांना आणि त्यांच्या कुटुंबाला जीवे मारण्याची धमकी दिली गेली.
दक्षेश कुरपे (वय 22), विकी कारंडे (वय 22 वर्ष) आणि सूरज यादव (वय 22 वर्ष) यांना अटक करण्यात आली आहे. हे सर्व पूणे (महाराष्ट्र) येथील रहिवासी आहेत. हे तिघेही मुख्य आरोपी प्रणेश नाईक याच्याकडे काम करतात. प्रणेश नाईक हे हळदोणा पंचायतीचे सदस्य आहेत.
दरम्यान, अटक करण्यात आलेल्या तिघांवर पोलिसांनी कलम 342, 323, 506 (ii) R/w 34 IPC अंतर्गत गुन्हा नोंदवण्यात आला आहे. एसडीपीओ मापुसा जिवबा दळवी आणि एसपी उत्तर निधी वलसन यांच्या देखरेखीखाली पुढील तपास सुरू आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.