Anjuna Police: हडफडे येथील आपल्या मैत्रिणीसोबत सहलीला गेलेल्या अल्पवयीन मुलीवर मैत्रिणीच्याच मित्राने बलात्कार केल्याचा प्रकार बुधवारी उघडकीस आला होता. या प्रकरणी हणजुण पोलिसांत तक्रार दाखल करण्यात आली होती. संशयित आल्बाझ अफझल नूर अहमद खान (वय 21, सध्या राहणार कामुर्ली, मूळ राहणार कर्नाटक) याला बुधवारी पोलिसांनी अटक केली होती.
दरम्यान, त्याने आणखी एका अल्पवयीन मुलीला लग्नाच्या भूलथापा देऊन अत्याचार केल्याचे समोर आले आहे. या प्रकरणात त्याच्यावर पुन्हा पॉक्सो कायद्यांतर्गत गुन्हा दाखल करण्यात आला आहे. म्हापसाचे एसडीपीओ जिवबा दळवी यांनी ही माहिती दिली.
संशयित आरोपी आल्बाझ खान हा आधीच बलात्काराच्या गुन्ह्यात पोलिस कोठडीत आहे. या अल्पवयीन मुलीशी लग्न करण्याच्या बहाण्याने त्याने तिच्यावर लैंगिक अत्याचार केला. जवळपास एक वर्षापासून आरोपी तिचे लैंगिक शोषण करत असल्याचे तक्रारीत म्हटले आहे.
या प्रकरणी पोलिस अधीक्षक निधिन वाल्सन, म्हापसाचे एसडीपीओ जिवबा दळवी यांच्या देखरेखीखाली एलपीएसआय स्नेहा सावळ तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.