राहुल गांधी 30 ऑक्टोबरला गोव्यात !

काँग्रेस नेते राहुल गांधी (Congress leader Rahul Gandhi) 30 ऑक्टोबर रोजी गोव्यात विधानसभा निवडणुकीच्या प्रचाराला सुरुवात करणार आहेत. दरम्यान ते खाणबंदीमुळे बाधित झालेल्या लोकांना आणि मच्छिमारांनाही भेटणार असल्याचे प्रथमदर्शनी सांगण्यात येत आहे.

दरम्यान येत्या काही काळात देशात गोव्यासह मणिपूर, पंजाब, उत्तराखंड आणि उत्तर प्रदेश या राज्यांमध्ये ​विधानसभेच्या निवडणुका होणार आहेत. याच पार्श्वभूमीवर या पाचही राज्यांतील निवडणूक स्थिती आणि काँग्रेसच्या रणनितीवर या बैठकीत सोनिया गांधींच्या उपस्थितीत चर्चा होणार आहे. गोवा विधानसभा डोळ्यासमोर ठेवता काँग्रेस प्रदेशाध्यक्ष चोडणकर आणि सोनिया गांधी यांच्यात थेट चर्चा होण्याची शक्यता देखील वर्तवली जात आहे.

तर दुसरीकडे गोवा विधानसभेत विजयासाठी काँग्रेस जोरदार तयारी करताना दिसत आहे. पक्षाचे अनेक नेते सध्या गोव्यात ठाण मांडून आहेत. आणि येत्या काही दिवसांत राहुल गांधी हे देखील गोवा दौरा करणार आहेत. काँग्रेसने दिलेल्या माहितीनुसार येत्या 30 ऑक्टोबर रोजी काँग्रेसनेते राहुल गांधी गोव्यात येणार आहेत. राहुल गांधी हे सभा घेऊन कार्यकर्त्यांना सभोंदीत देखील करणार आहेत.