पणजी : राज्यातील अवैध रिकाम्या ठेवलेल्या चिरे खाणींच्या मालकांवर कारवाई केली जाणार आहे. या रिकामी खाणींमध्ये पावसाचे पाणी साठल्यानंतर येथे युवक पोहायला जाऊन बुडण्याच्या घटना घडत असल्याने सरकारकडून दंडात्मक कारवाई केली जाईल, असा इशारा मुख्यमंत्री डॉ. प्रमोद सावंत यांनी विधानसभेत दिला. मांद्रेचे आमदार जीत आरोलकर यांनी मांडलेल्या लक्षवेधी सूचनेला उत्तर देताना ते बोलत होते.
‘सरकारने रिकाम्या खाणी अधोरेखित केल्या असून त्यांच्यावर कारवाई केली जाणार आहे. अवैध खाण मालकांना नोटीस बजवली जाईल. तर, कायदेशीर असलेल्यांना तेथे कुंपण घालण्यासह आवश्यक सुरक्षा खबरदारीचे उपाय करून कोणताही अनुचित प्रकार घडू नये यासाठी रिकामी खाणी बुजवण्याची सूचना खाण आणि भूगर्भशास्त्र खात्याने केली आहे’, असे डॉ.सावंत यांनी स्पष्ट केले.
सरकारने तुये गावातील अवैध रिकामी चिरे खाणी शोधून काढल्या आहेत. जैव विघटनशील आणि गैर-धोकादायक कचऱ्याचा वापर करून रिकामी खाणी बुजवण्यात येईल. तसेच सूचनाफलक लावले जातील. अशा ठिकाणी पोहणे यासारख्या क्रियाकलाप करू नये. पोलिसांना गस्त करून पाळत ठेवण्याचा आदेश दिला आहे, असंही मुख्यमंत्री डॉ. प्रमोद सावंत यांनी स्पष्ट केलं आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
