मडगाव : 2002 मध्ये घडलेल्या खून प्रकरणात सहभागी असलेला संशयित आरोपी रघु पाणीपुरी याला बंगळुरू येथे जाऊन कुंकळ्ळी पोलिसांनी अटक केली आहे. मागील 20 वर्षांपसून फरार असलेल्या या आरोपीच्या शोधात पोलीस होते.
हा आरोपी बंगळुरू येथे असल्याची गुप्त माहिती मिळाल्यानंतर 12 जुलै रोजी त्या ठिकाणी जाऊन या संशयिताच्या मुसक्या कुंकळ्ळी पोलिस पथकाने आवळल्या. ही कारवाई कुंकळ्ळी पोलीस स्थानकाचे पोलीस निरीक्षक तुकाराम चव्हाण यांच्या मार्गदर्शनाखाली करण्यात आली. आता संशयित आरोपीला न्यायालयात सादर करण्यात येणार असल्याचे चव्हाण यांनी सांगितले.
या खून प्रकरणी पाच आरोपी गुंतले होते. यातील चार जणांना यापूर्वीच अटक करण्यात आली होती. हा एकमेव आरोपी फरार होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
