Goa News: मुख्य सचिव, मुख्य नगर नियोजक अडचणीत; 'गोवा बचाव'ची कोर्टात याचिका, मागणी काय वाचा

Goa Bachao Foundation Demands Suspension Of Chief Secretary, Chief Town Planner

पणजी: मुख्य सचिव पुनीत कुमार गोयल आणि मुख्य नगर नियोजक राजेश नाईक यांनी आचारसंहितेचे उल्लंघन करून नगरनियोजन खाते कायद्याच्या १७(२) दुरुस्तीचा वापर करून मालमत्तेवरील बेकायदा बांधकाम कायदेशीर केले आहे.

यासंदर्भात आम्ही गोवा फाउंडेशन सोबत उच्च न्यायालयात आव्हान याचिका दाखल केल्याचे गोवा बचाव अभियानाच्या सचिव सबिना मार्टिन्स यांनी सांगितले. दरम्यान, या प्रकरणी सीबीआयद्वारे चौकशी करून दोघांनाही निलंबित करण्याची मागणी त्यांनी केली. यावेळी पत्रकार परिषदेत पर्यावरण प्रेमी फेस्टेरिया पिंटोदेखील उपस्थित होत्या.

सबिना मार्टिन्स यांनी सांगितले की, या विषयासंदर्भात चर्चा करण्यासाठी १९ सप्टेंबर रोजी आम्ही मुख्यमंत्र्यांची वेळ मागितली होती, परंतु आजवर त्यांनी आम्हाला वेळ दिली नाही. राज्याचे प्रमुख या नात्याने मुख्यमंत्र्यांनी खासगी हितासाठी राज्य यंत्रणांचा उघडपणे गैरवापर करणाऱ्या अधिकाऱ्यांवर कारवाई केली पाहिजे.