पंतप्रधान नरेंद्र मोदी यांचे भाजपचे सरकार अंत्योदय तत्त्वावर नेत्रदीपक काम करत आहे. विकसित नवभारत हे मोदींचे स्वप्न साकार करण्यासाठी गोव्यातील दोन्ही भाजप उमेदवारांना बहुसंख्य मताधिक्यांनी विजयी करा, असे प्रतिपादन मुख्यमंत्री डॉ. प्रमोद सावंत यांनी केले.
बोरी पंचायत सभागृहात काल आयोजित दक्षिण गोवा मतदारसंघाच्या भाजपच्या उमेदवार पल्लवी धेंपे यांच्या प्रचारसभेत ते बोलत होते. याप्रसंगी जलस्त्रोतमंत्री सुभाष शिरोडकर, उमेदवार पल्लवी धेंपे,
ॲड. नरेंद्र सावईकर, दीपक नाईक बोरकर, नारायण कामत, शिरोडा भाजप मंडळ अध्यक्ष सुरज नाईक, बोरीचे सरपंच सतीश नाईक, अवधूत नाईक, दक्षिण गोवा. जिल्हा पंचायत अध्यक्ष सुवर्णा तेंडुलकर, डॉ. गौरी शिरोडकर, उपसरपंच रश्‍मी नाईक आदी उपस्थित होते.
बोरी पुलासाठी 350 कोटी मंजूर
भाजपच्या डबल इंजिन सरकारमुळे राज्याचा झपाट्याने चौफेर विकास होत आहे. बोरी येथे नवीन पूल बांधण्यासाठी केंद्र शासनाकडून ३५० कोटी रुपयांचा निधी मंजूर झालेला असून पुलासाठी जमीन हस्तांतर प्रक्रिया सुरू आहे, असे यावेळी मुख्यमंत्री डॉ. प्रमोद सावंत यांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
