उत्तर आणि दक्षिण गोव्यात आज पावसाची शक्यता

आज पहाटेच्या दरम्यान गोव्यात पावसाच्या तुरळक सरी बरसल्या आहेत. हवामान विभागाने व्यक्त केलेल्या अंदाजानुसार आज गोव्यात पावसाची शक्यता आहे. याबरोबर 13 आणि 16 मे रोजी उत्तर आणि दक्षिण गोवा जिल्ह्यांमध्ये विविध ठिकाणी पावसाची शक्यता असल्याचा ही अंदाज वर्तवण्यात आला आहे. (Chance of rain in North and South Goa today )

गोव्यात गेल्या तीन ते चार दिवसात ढगाळ वातावरण असुन 12 मे रोजी पहाटे ही पावसाच्या तुरळक सरी पणजी शहर आणि परिसरात बरसल्या आहेत. हा पाऊस कमी वेळ असला तरी सकाळी काही वेळ सुरु असणाऱ्या पावसाने नागरिकांच्या दैनंदिन कामांनमध्ये काहीसा व्यत्यय आला होता.

असनी चक्रीवादळामुळे वातावरणात झाला बदल

गोव्यात 13 मे पर्यंत ठीकठिकाणी मेघगर्जनेसह पाऊस पडण्याची शक्यता हवामान खात्यातर्फे वर्तवण्यात आली होती. बंगालच्या उपसागरावर असनी चक्रीवादळाच्या इफेक्टमुळे वातावरणात बदल झाल्याचे IMD ने सांगितले आहे. आणि त्यामुळेच गोव्यासह संपूर्ण देशात ठिकठिकाणी पावसाच्या सरी बरसण्याची शक्यता होती. आज पहाटे गोव्यात ठिकठिकाणी पावसाने हजेरी लावली. या पावसामुळे रस्त्यावरील लोकांची तारांबळ उडाली.

पणजीसह, ओल्ड गोवा, माशेल, साखळी, वाळपाईमध्ये पावसाच्या बारीकमोठ्या सरी बरसल्या आहेत. 'असनी चक्रीवादळामुळे, वारे खालच्या पातळीवर पश्चिमेकडे वाहत आहे, ज्यामुळे गोव्यात आर्द्रतेचे प्रमाण वाढले आहे. पण पावसाच्या आगमनामुळे गोवेकरांना गारवा अनुभवायला मिळाला. वाढलेल्या गरमीमुळे सर्वच जण हैराण झाले होते.