वास्को/प्रदीप नाईक : वास्कोजवळच असणाऱ्या वेर्णा येथील टायटन जंक्शनवर बुधवारी रात्री 3 चारचाकी वाहनांचा विचित्र अपघात झाल्याची घटना घडली आहे. या विचित्र अपघातात दोन वाहनांचे मोठ्या प्रमाणात नुकसान झाल्याची माहिती आहे.
पोलिसांनी दिलेल्या माहितीनुसार; काल बुधवारी रात्री बारा वाजता वेर्णा येथे टायटन जंक्शनवर एका मारुती 800 कारने उभ्या असलेल्या स्विफ्ट कारला पाठीमागून जोरदार धडक दिली. या धडकेत स्विफ्ट कार पुढे सिग्नलसाठी उभ्या असलेल्या बसवर जाऊन धडकली. यात दोन्ही कारचे मोठ्या प्रमाणात नुकसान झाले. या कारमधील चालक किरकोळ जखमांवर बालंबाल बचावले.
अपघातग्रस्त तिन्ही वाहने कुठ्ठाळीच्या दिशेने जात होती. तर बस कंपनीतील कामगारांना घेऊन कुठ्ठाळीच्या दिशेने जात होती. पाठीमागून मारुती 800 कारने स्विफ्ट कारला जोरदार धडक दिली. यात मारुती कारच्या दर्शनी भागाचे मोठ्या प्रमाणात नुकसान झाले. तर स्विफ्ट कारचे पाठीमागून नुकसान झाले आहे. अपघातामुळे काहीकाळ वाहतुकीवरही परिणाम झाल्याचं चित्र वेर्णा परिसरात पाहायला मिळालं.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
