चावडी: काणकोण तालुक्यातील देळे येथे प्रस्तावित मेगा गृहनिर्माण प्रकल्पाला ग्रामस्थांनी तीव्र विरोध दर्शवत, कोणत्याही परिस्थितीत हा प्रकल्प गावात होऊ देणार नसल्याचा निर्धार व्यक्त केला आहे. यासंदर्भात आयोजित पत्रकार परिषदेत माजी नगरसेवक धीरज नाईक गावकर यांनी ग्रामस्थांच्या भूमिकेला पाठिंबा दिला.
प्रकल्पाविरोधातील भूमिका संबंधित शासकीय विभागांना कळविण्यात आल्याचे सांगून, पुढील पंधरा दिवसांत प्रशासनाने योग्य निर्णय न घेतल्यास काणकोण उपजिल्हाधिकारी कार्यालयासमोर बेमुदत उपोषण आंदोलन छेडण्याचा इशारा गावकर यांनी दिला. या पत्रकार परिषदेला ग्रामस्थ मोठ्या संख्येने उपस्थित होते.
गावकर म्हणाले, प्रकल्पासाठी नियोजित रस्ता केवळ अडीच मीटर रुंद असून दोन वाहने एकाच वेळी जाऊ शकत नाहीत. सुमारे १५० घरांचे देळे गाव हिरव्यागार डोंगररांगा आणि निसर्गसंपन्न परिसराने वेढलेले आहे. अशा ठिकाणी मेगा प्रकल्प उभारल्यास पर्यावरणासह गावाच्या सामाजिक समतोलावर विपरित परिणाम होऊ शकतो. मूलभूत सुविधांचा अभाव असताना मोठ्या गृहनिर्माण प्रकल्पाला मंजुरी देणे योग्य नाही.
ग्रामस्थांचा विरोध का?
अडीच मीटर रुंद रस्ता; वाहतुकीवर ताण. पर्यावरण, निसर्गसौंदर्य धोक्यात येण्याची भीती. वीज, पाणी व मूलभूत सुविधांचा अभाव.
१५० सदनिकांमुळे वाढणारी लोकसंख्या. संस्कृती व परंपरांवर परिणाम.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
