उत्तर आणि दक्षिण गोव्याला जोडणाऱ्या बहुप्रतीक्षित असलेल्या झुआरी केबलस्टेड पुलाचे केंद्रीय मंत्री गडकरी यांच्या हस्ते भव्य आतषबाजीत लोकार्पण झाले. आज दुपारी नवीन झुआरी पूल वाहतुकीसाठी खुला करण्यात आला आहे. वाहतुकीसाठी खुला केल्यानंतर पहिल्यांदाच या पुलाचा वापर करणाऱ्या वाहनचालकांचं पोलीस आणि प्रशासनाकडून स्वागत करण्यात आलं. याचवेळी पुलावरून एका प्रसिद्ध बॉलिवूड अभिनेत्याने देखील प्रवास केला.
प्रसिद्ध दिग्दर्शक आणि अभिनेते सतिश कौशिक सध्या नवीन वर्षाचे स्वागत करण्यासाठी गोव्यात आहेत. नवा झुआरी पुल वाहतुकीसाठी खुला करण्यात आल्यानंतर पुलावरून पहिल्यांदा प्रवास करण्याची संधी त्यांना मिळाली. यावेळी त्यांना गुलाब पुष्प देऊन स्वागत करण्यात आले. उत्तर आणि दक्षिण गोव्याला जोडणारा हा पुल पणजीपासून सुमारे 15 कि.मी अंतरावर आहे.
दरम्यान, झुआरी पूल उद्घाटनानंतरही सुरु करण्यात न आल्यामुळे वाहनचालकांनी संताप व्यक्त केला होता. सकाळपासूनच पणजी-मडगाव मार्गावर वाहनांच्या पुन्हा लांबच लांब रांगा लागल्या होत्या.
2,530 कोटींच्या भव्य प्रकल्पातील मुख्य टॉवरवर रिव्हॅलविंग रेस्टॉरंट आणि व्हीविंग गॅलरी उभारण्याचा प्रस्ताव आहे. यासंबंधी यापूर्वी दोनदा काढलेल्या निविदांना प्रतिसाद मिळाला नाही. यासाठी आता केंद्र व राज्य सरकार काही पैशांची गुंतवणूक करून हा प्रकल्प पूर्ण करणार असल्याची माहिती गडकरी यांनी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
