Goa Accident News: पार्क केलेल्या टेंपोला दुचाकीची धडक! एक तरुण गंभीर जखमी

पणजी: धारबांदोडा येथे धोकादायक जंक्शनजवळ पार्क केलेल्या टेंपोला दुचाकीने धडक दिल्याने अपघात झाला आहे. मुळचा खानापूरचा दुचाकीस्वार मल्लेश बसप्पा देवलतकर हा तरुण गंभीर जखमी झाला आहे. या तरुणाला अधिक उपचारांसाठी गोमेकॉत दाखल करण्यात आलेले आहे. ग्रामीण भाग असल्याने अरुंद रस्ता, वळणे, झाडेझुडपे वाढल्याने नेहमीच अपघात होत असतात.

(Goa Accident Case)

राज्यात अपघातांचे सत्र चालु असुन, काल ढवळी येथील पेट्रोल पंपजवळ दोन दुचाकींमध्ये भीषण अपघात झाला आहे. दरम्यान, तिस्क येथील श्रेया धनंजय कोठारकर वय १८ या युवतीचा मृत्यू झाला आहे.

ग्रामीण भागात अरुंद रस्ता, वळणे, झाडेझुडपे वाढल्याने अपघाताच्या प्रमाणात वाढ

सांगेत अपघातप्रवण अनेक ठिकाणे आहेत. ग्रामीण भाग असल्याने अरुंद रस्ता, वळणे, झाडेझुडपे वाढल्याने नेहमीच अपघात होत आहेत. बऱ्याच ठिकाणी जमीन खाजगी मालकांची असते किंवा वन खात्याची त्यामुळे जमिनीचे दावे निकाली लागेपर्यंत अनेकदा अपघातात होत असतात.

दरम्यान, त्वरित वळणे कापणे, रस्ते दुरुस्ती करणे गरजेचे असून खड्डेमय रस्ता दुरुस्त करावा, अशी ग्रामस्थांची मागणी आहे. आठवड्यापूर्वीच सांगेत अपघातात बळी एक गेला, तो वळणामुळे, असे अनेकदा समोरून येणाऱ्या वाहनाचा अंदाज लागत नसल्याने स्वतःला सावरण्याचा प्रयत्न करीत असताना अपघात होतो.

मोकाट जनावरांची समस्या

बऱ्याचदा अपघाताला कारणीभूत एक तर वळणे असतात किंवा मोकाट जनावरे असतात. अशा वळणावर रात्रीच्या वेळी अचानक जंगली जनावरे खास करून गवे रेडे, हरीण, रान डुक्कर सारखी जंगली जनावरे रस्त्यावर आडवी येत असल्याने अपघातात घडलेले आहे.या वर उपाय योजना करण्यासाठी सार्वजनिक बांधकाम खात्याने पुढाकार घेणे अत्यंत गरजेचे आहे.