पणजी: काँग्रेस (Congress) व मगो पक्षातून भाजपमध्ये (BJP) प्रवेश केलेल्या 12 आमदारांविरुद्ध मुंबई उच्च न्यायालयाच्या (Mumbai High Court) गोवा (Goa) खंडपीठात दाखल केलेल्या आमदार (MLA) अपात्रता याचिकेवरील अंतिम सुनावणी 22 ऑक्टोबरला ठेवण्यात आली आहे. काँग्रेसतर्फे गिरीश चोडणकर (Girish Chodankar) तर मगोपतर्फे सुदिन ढवळीकर (Sudin Dhavalikar) यांनी दाखल केलेल्या दोन वेगवेगळ्या याचिकांवर एकत्रितपणे सुनावणी होणार आहे.
2019 मध्ये मगोपच्या तीन आमदारांपैकी दीपक पाऊसकर आणि मनोहर ऊर्फ बाबू आजगावकर यांनी आमदारकीचा राजीनामा न देता तसेच मगोप भाजपमध्ये विलीन झाल्याचा दावा करून भाजपमध्ये प्रवेश केला होता. त्याला ढवळीकर यांनी आव्हान दिले आहे. गिरीश चोडणकर यांनीही काँग्रेसच्या तत्कालीन दहा आमदारांविरुद्ध अपात्रता याचिका सादर केली आहे. काँग्रेसचे दोन तृतीयांश आमदार फुटले तरी मूळ काँग्रेस पक्ष भाजपमध्ये विलीन झालेला नाही. जर पूर्ण पक्षच दुसऱ्या पक्षात विलीन झाला तर त्या आमदारांची आमदारकी अबाधित राहू शकते, अशी लोकप्रतिनिधी कायद्यात तरतूद आहे. त्यामुळे हे सर्व 10 आमदार अपात्र ठरत असल्याचा दावा करण्यात आला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
