Mapusa Child Assault: चार वर्षीय निष्पाप बालकावर लैंगिक अत्याचाराचा धक्कादायक प्रयत्न; गुन्हा दाखल होताच संशयिताची मनोरुग्णालयात रवानगी

बार्देश: खोर्ली-म्हापसा येथील विशेष गरजा असलेल्या मुलांच्या शाळेतील चार वर्षीय मुलावर ५५ वर्षीय इसमाने लैंगिक अत्याचाराचा प्रयत्न केल्याची घटना घडली. घटनेची माहिती मिळताच म्हापसा पोलिसांनी तातडीने घटनास्थळी धाव घेऊन संशयिताला ताब्यात घेतले.

याप्रकरणी मुलाच्या पालकांनी अथवा संबंधितांनी पोलिसांकडे कोणतीही लेखी तक्रार दाखल केली नसल्याने संशयिताविरुद्ध गुन्हा नोंदविण्यात आलेला नसल्याची माहिती म्हापसा पोलिस स्थानकाचे पोलिस निरीक्षक नवीन देसाई यांनी दिली. पोलिसांच्या प्राथमिक चौकशीत संशयिताची मानसिक स्थिती सामान्य नसल्याचे निदर्शनास आल्याने त्याची वैद्यकीय तपासणी करण्यात आली.

त्यानंतर पुढील उपचार व निरीक्षणासाठी त्याला मनोरुग्णालयात दाखल करण्यात आहे. याप्रकरणी संबंधितांकडून तक्रार प्राप्त झाल्यास कायद्यानुसार पुढील कारवाई करण्यात येईल, असेही पोलिस निरीक्षक नवीन देसाई यांनी स्पष्ट केले. दरम्यान, हा प्रकार संस्थेतील कर्मचारी व स्थानिकांच्या निदर्शनास येताच त्यांनी तातडीने हस्तक्षेप करून मुलाची सुटका केली.