कोणी अर्ज केला नसल्यास अजूनही मुंडकार प्रकरणाबाबत अर्ज करा. सरकारच्या या कार्यकाळात सर्व मुंडकार प्रकरणे, वन हक्क कायद्याखालील 10 हजार दावे निकाली काढून लोकांना त्यांचे अधिकार देऊ तसेच पुढील दीड वर्षांत 5 हजार वन हक्क दावे निकालात काढले जातील अशी माहिती मुख्यमंत्री प्रमोद सावंत (Pramod Sawant) यांनी दिली.
दरम्यान, माझ्याकडे असलेली तिन्ही खाती लोकांसाठी महत्त्वपूर्ण आहेत. तिन्ही खात्यांना योग्य न्याय देणार असल्याचं बाबूश मोन्सेरात यांनी स्पष्ट केलं होते. मुंडकार खटल्यांसाठी यापुढे 'तारीख पे तारीख' नाही, तर 6 महिन्यांत प्रलंबित खटले सोडवण्याचे प्रयत्न करणार असल्याचंही गोव्याचे महसूलमंत्री बाबूश मोन्सेरात यांनी म्हटलं होत. यानंतर आता प्रमोद सावंत यांनी सरकारच्या (Government) या कार्यकाळात सर्व मुंडकार प्रकरणे, वन हक्क कायद्याखालील 10 हजार दावे निकाली काढून लोकांना त्यांचे अधिकार देऊ तसेच पुढील दीड वर्षांत 5 हजार वन हक्क दावे निकालात काढले जातील अशी माहिती दिली.
तब्बल एक आठवड्यानंतर महसूल, कामगार आणि कचरा व्यवस्थापन मंत्री बाबूश मोन्सेरात यांनी आपल्या पदाचा ताबा घेऊन कार्यालयात हजेरी लावली. ते महसूल विभागातील वरिष्ठांशी चर्चा करणार असून कामाचा आढावा आणि पुढील कामकाजाची आखणी करणार आहेत. मनासारखी खाती न मिळाल्यामुळेच बाबूश मोन्सेरात (Babush Monserratte) यांनी आतापर्यंत आपल्या मंत्रिपदाचा ताबा घेतला नसल्याची चर्चा होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
