Anmod Ghat: अनमोड घाटाबाबत नवी अपडेट! अवजड वाहतुकीसाठी रस्ता राहणार बंद; 'या' वाहनांना मिळणार सूट

फोंडा: अनमोड घाटात शुक्रवारी रात्री रस्ता खचल्याने वाहनांना धोका निर्माण झाला होता. त्यामुळे लगेच या रस्त्याची सिमेंट कॉंक्रिट घालून दुरुस्ती केली होती. मात्र, आठच तासांत हा रस्ता कोसळला.

सार्वजनिक बांधकाम खात्याचे अभियंता योगेश शहापूरकर आणि साहाय्यक अभियंता आनंद वाघुर्मेकर यांनी घटनास्थळी पाहणी केली. याठिकाणी जी संरक्षक भिंत होती, ती ४० वर्षांपूर्वीची होती. ती कोसळल्यामुळे हा रस्ता खचला.

शनिवारपासून ही संरक्षक भिंत बांधण्याचे काम सुरू केले आहे, असे योगेश शहापूरकर यांनी सांगितले. सार्वजनिक बांधकाम खात्याचे अभियंता योगेश शहापूरकर आणि साहाय्यक अभियंता आनंद वाघुर्मेकर यांनी घटनास्थळी पाहणी केली.

अवजड वाहतुकीस ६० दिवस प्रतिबंध

अनमोड घाटातील रस्ता खचल्याने तो अवजड वाहतुकीसाठी ६० दिवस बंद ठेवण्याचा आदेश दक्षिण गोवा जिल्हाधिकारी एग्ना क्लिटस यांनी जारी केला. मात्र, हा आदेश प्रवासी बसेस, अत्यावश्यक सोयीसाठी वापरली जाणारी वाहने यांना लागू नाही. या बंदी काळात साबांखाने रस्ता दुरुस्त करावा, असे म्हटले आहे.