आंतरराष्ट्रीय देह व्यापार रॅकेट प्रकरणी हणजुण पोलिसांत दोन तक्रारी दाखल करण्यात आल्या आहेत. याप्रकरणी एका प्रकरणात केनियन महिलेला अटक करण्यात आली तर दुसऱ्या प्रकरणात रिसॉर्ट मालाकाविरुध्द गुन्हा दाखल करण्यात आला आहे.
म्हापसा एसडीओपी जिवबा दळवी यांनी दिलेल्या माहितीनुसार, पोलिसांनी टाकलेल्या छाप्यात एक केनियन महिला वैध पासपोर्ट आणि व्हिसाविना मायोर रोमा रिसॉर्ट येथे राहत असल्याचे आढळून आले.
तसेच रिसॉर्ट मालकाने संशयित परदेशी महिलेचा सी फॉर्म भरला नाही. हा सी फॉर्म भरणे कायद्याने अनिवार्य आहे.
याप्रकणी संशियित केनियन महिलेविरोधात गुन्हा दाखल करण्यात आला असून ही महिला सध्या पोलीस कोठडीत आहे. तर रिसॉर्ट मालकाविरोधात फॉरेनर्स ऑर्डर अॅक्ट 1947 चे उल्लंघन केल्याप्रकरणी गुन्हा दाखल करण्यात आला आहे.
म्हापसा एसडीओपी जिवबा दळवी आणि एसपी नॉर्थ बोस्युट सिल्वा यांच्या देखरेखीखाली पीआय प्रशांत देसाई यांच्याकडे या प्रकरणाचा पुढील तपास सुरू आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.